ახალი კანონები რუსეთში, რომლის მოფიქრება ყველაზე სისხლიან დიქტატორსაც კი გაუჭირდებოდა

1 სექტემბრიდან რუსეთში ახალი კანონები ამოქმედდა, რომლებიც  საყოველთაო კონტროლი და რეპრესიები უმაღლეს საფეხურზე აჰყავს _ სისხლის სამართლის დანაშაული ხდება მობილური ტელეფონების და სიმ ბარათების სხვაზე გადაცემა, ინტერნეტში „ექსტრემისტული მასალების განზრახ მოძიება”, იკრძალება სანთებელების, გაზის ბალონების და აეროზოლების გაყიდვა პასპორტის გარეშე და სხვა მრავალი, _ იუწყება dw.com.

•  ყველაზე მძიმე აკრძალვები ინტერნეტზე იმოქმედებს _ მოქალაქეებს ჯარიმები ემუქრებათ ინტერნეტში ე.წ. “ექსტრემისტული მასალების განზრახ მოძიებისთვის“. ისინი დაისჯებიან იუსტიციის სამინისტროს ექსტრემისტული მასალების სიაში შესული ორგანიზაციების დასახელებების, ექსტრემისტულად და აკრძალულად აღიარებული წიგნებისა და ძნელად ინტერპრეტირებადი ჩანაწერების მოძიებისთვის. სია რამდენიმე ასეული გვერდისგან შედგება.
• 1 სექტემბრიდან რუსეთში გაყიდულ ყველა გაჯეტში (მობილური ტელეფონი, პლანშეტი, კომპიუტერი) წინასწარ უნდა იყოს დაინსტალირებული „რუსსული ეროვნული მესენჯერი“ Max და რუსული აპლიკაციების მაღაზია RuStore. სამთავრობო უწყებები, ბანკები, სკოლები და ა.შ. უნდა გადავიდნენ Max-ზე.
• იკრძალება რეკლამა VPN-ით და საშაულებებით, რომლებითაც შესაძლებელია საიტების ბლოკირების გვერდის ავლა.
• იკრძალება რეკლამა ისეთ საიტებზე, რომლებსაც რუსეთი მოიაზრებს, როგორც “ექსტრემისტულს”, “ტერორისტულს” და “არასასურველს”.
• ძლიერდება მიგრანტებზე კონტროლი. ექსპერიმენტის ფარგლებში, მოსკოვსა და მოსკოვის რეგიონში ჩასულ მიგრანტებს მომდევნო ოთხი წლის განმავლობაში ტელეფონებზე „ამინას“ აპლიკაციის ინსტალაცია მოუწევთ, რომელიც მათ გადაადგილებას თვალყურს ადევნებს.
• SIM ბარათის ან მობილური ტელეფონის სხვა პირისთვის გადაცემისთვის ჯარიმა წესდება.
• ძალაში შედის „რეკლამის შესახებ“ კანონში შეტანილი ცვლილებები, რომლებიც კრძალავს ექსტრემისტულად გამოცხადებული ორგანიზაციების რესურსებზე რეკლამას. რაც გულისხმობს Instagram-ზე რეკლამირების აკრძალვასაც.
• რუსეთის იუსტიციის სამინისტროს მიერ „უცხოელი აგენტების“ მიერ გამოცხადებულ რუსებს ეკრძალებათ ნებისმიერი საგანმანათლებლო ღონისძიების ორგანიზება და ჩატარება. ადრე აკრძალვა მხოლოდ ბავშვებისთვის განკუთვნილ ღონისძიებებს ეხებოდა. 1 სექტემბრიდან სამეცნიერო დაწესებულებებს უცხოელ კოლეგებთან თანამშრომლობისთვის ФСБ-ს ნებართვა დასჭირდებათ.
• 1 სექტემბრიდან რუსეთის სკოლებისა და ბაღების ნაწილში კვირაში ერთხელ ჩატარდება „საუბრები მნიშვნელოვანზე“, რომელიც გულისხმობს საბავშვო ბაღის აღსაზრდელებთან „სამშობლოს სიყვარულის შესახებ“ საუბრებს, მეხუთე კლასიდან კი ბავშვებს გაესაუბრებიან „სპეციალური სამხედრო ოპერაციის“ შესახებ (როგორც რუსეთის ხელისუფლება უკრაინასთან ომს უწოდებს).
• ქვეყანაში მოსახლეობის შემცირების წინააღმდეგ საბრძოლველად, შემოდის რეგულაციები შვილების არყოლის შესაძლებლობების შესაზღუდად _ 1 სექტემბრიდან ამოქმედდება შვილების ყოლაზე უარის თქმის პროპაგანდის შეზღუდვაც. პროპაგანდად ჩაითვლება ორსულობის, დედობის, მამობის ნეგატიური იმიჯის შექმნა… უშვილობის მიმართ დადებითი დამოკიდებულება და ა.შ.
• სანთებლების, აეროზოლებისა და გაზის ბალონების ყიდვისას საჭირო იქნება პასპორტის წარდგენა. წესების დამრღვევი გამყიდველები კი დაჯარიმდებიან.