მრავალჯერადი კვება
ეს წონაში კლების ყველაზე უსაფრთხო ხერხია. დღეში 5-6 ჯერადი კვებისას ორგანიზმი არ განიცდის სტრესს, არ გაქვთ დისკომფორტი. კვების მიღების ინტერვალი არ უნდა სცდებოდეს 2-3 სთ-ს.
ისიამოვნეთ საკვებით
დროებით რაციონიდან ამოიღეთ შემწვარი, მარილიანი და ცომეული. თუ ტკბილის ძლიერი მოთხოვნილება გაგიჩნდათ, მიირთვით მსუბუქი ორცხობილა ან ცოტაოდენი შოკოლადი. საჭირო არ არის დიდი ულუფები, სურვილის დასაკმაყოფილებლად საკმარისია მცირედიც. აქ მთავარია – ისიამოვნოთ საკვებით. დიეტა
შეამცირეთ მარილის რაოდენობა
დიეტა მარილის გარეშე 4-დან 15-დღემდე უნდა გაგრძელდეს. რამდენიმე დღეში იგრძნობთ, რომ თქვენი ნივთიერებათა ცვლის სისტემა ნორმაში მოდის.
უარი თქვით ალკოჰოლზე
ალკოჰოლი ძალიან კალორიულია და ორგანიზმში სწრაფად შეიწოვება, აფერხებს მეტაბოლიზმს და ხელს უშლის ცხიმების წვას. ამასთან აძლიერებს მადას. შესაბამისად, თუ წონაში სწრაფად კლება განიძრახეთ, უმჯობესია 31 დეკემბრამდე დალევაზე თავი შეიკავოთ.
ფიზიკური დატვირთვა
თუ სპორტი არ გიყვართ, ვარჯიში ყოველდღიური სეირნობით ან სახლის ფიტნესით ჩაანაცვლეთ. თუ სპორტდარბაზში წასვლას გადაწყვეტთ, ვარჯიშამდე საათნახევრით ადრე არაფერი მიირთვათ და ასევე თავი შეიკავეთ ვარჯიშიდან პირველი საათის განმავლობაში.
განტვირთვის დღეები
კვირაში ერთ-ორჯერ მოაწყვეთ განტვირთვის დღეები კეფირით, წიწიბურით ან ხილით.
არ მიირთვათ ღამით
როცა შიმშილის გრძნობა გაწუხებთ, ორგანიზმი დამცავ რეჟიმჟი გადადის და ცხიმის შენახვას იწყებს. ამიტომ, ეცადეთ დაძინებამდე 3-4 საათით ადრე მსუბუქად წაიხემსოთ.
მასაჟი და სხვა პროცედურები
ეცადეთ ცოტა დრო დაუთმოთ შეფუთვას სახლის პირობებში ან მასაჟს. ეს კანს ტონუსში მოიყვანს, გამოდევნის ზედმეტ სითხესა და ტოქსინებს. მსგავსი პროცედურები ჩაიტარეთ კვირაში ორჯერ.
წყლის დალევის დროა
არ დაგავიწყდეთ მიიღოთ ჭიქა წყალი ჭამამდე ნახევარი საათით ადრე. ასე ნაკლებ საკვებს მიირთმევთ და არ დაგეუფლებათ სიმძიმის შეგრძნება.
