აშშ-ის არმიის ორი ვერტმფრენი, რომელიც სასწავლო ფრენიდან ბრუნდებოდა, ხუთშაბათს ჩამოვარდა ალასკაზე, ბორტზე ოთხი ადამიანით, დაიღუპა სამი ჯარისკაცი და დაშავდა მეოთხე, _ განაცხადეს The NYPOST-ის ინფორმაციით, არმიის ოფიციალურმა პირებმა.
არმიის მე-11 საჰაერო სადესანტო დივიზიამ დაადასტურა დაღუპვა ხუთშაბათს გვიან და განაცხადა, რომ ორი AH-64 Apache ვერტმფრენი ჩამოვარდა ჰილისთან, ალასკაში. ოთხი ჯარისკაციდან ორი დაიღუპა შემთხვევის ადგილზე, ხოლო მესამე გარდაიცვალა ფეირბენქსის საავადმყოფოს გზაზე.
”ეს არის წარმოუდგენელი დანაკარგი ამ ჯარისკაცების ოჯახებისთვის, მათი თანამებრძოლებისთვის და დივიზიისთვის,” – თქვა გენერალ-მაიორმა ბრაიან ეიფლერმა, დივიზიის მეთაურმა გენერალმა.
არმიამ განაცხადა, რომ დაღუპულთა სახელებს არ ასაჯაროებს, სანამ მათი ოჯახები არ შეტყობინებენ და რომ ინციდენტი გამოძიების პროცესშია. მე-11 საჰაერო სადესანტო დივიზიის სპიკერმა ჯონ პენელმა განაცხადა, რომ მას ჯერ არ აქვს დეტალური ინფორმაცია დაშავებული ჯარისკაცის მდგომარეობის შესახებ.
ოფიციალური პირების თქმით, ვერტმფრენები იყო 1-ლი თავდასხმის სადაზვერვო ბატალიონიდან, 25-ე საავიაციო პოლკიდან, ფორტ უეინრაიტში.
