რუსი პოლიტიკოსი და კრემლის კრიტიკოსი ალექსეი ნავალნი, მეუღლესთან ერთად რამდენიმე თვის შემდეგ, ბერლინი-მოსკოვის რეისით, რუსეთში 17 იანვარს დაბრუნდა.
ოპოზიციონერი პოლიტიკოსი ჩასვლისთანავე, საპასპორტო კონტროლის გავლის დროს პოლიციამ დააკავა. რუსული “დოჟდის” ცნობით, დაკავებამდე ოპოზიციონერმა პოლიტიკოსმა, განაცხადა, რომ სამშობლოში დაბრუნებით გახარებულია.
“ეს ბოლო 5 თვეში ჩემთვის საუკეთესო დღეა. არა მხოლოდ სიმართლე, სამართალიც ჩემ მხარესაა, იცით რომ ყველა საქმე ჩემ წინააღმდეგ ფალსიფიცირებულია. არაფრის მეშინია და თქვენც მოგიწოდებთ, არაფრის გეშინოდეთ,” – თქვა ალექსეი ნავალნიმ.
აღსანიშნავია, რომ დაშვებამდე ნავალნის თვითმფრინავმა გეზი შეიცვალა და ის რუტინული გზით არ დაჯდა აეროპორტში. მეტიც, ის საერთოდ სხვა ,,შერემეტიევოს“ აეროპორტში დაჯდა.
როგორც რუსული მედია წერდა, თბილისის დროით 21:00 საათზე ვნუკოვის აეროპორტში ტაბლოზე გამოჩნდა წარწერა, რომ თვითმფრინავი, რომლითაც ნავალნი მგზავრობდა, შერემეტიევოს აეროპოტში გადამისამართდა. თვითმფრინავის დაშვებამდე ასევე ვრცელდებოდა ცნობები, რომ ვნუკოვის აეროპორტი დაკეტილია და ბოენგი 737 სათადარიგო აეროდრომისკენ მიფრინავდა.
მედია საშუალება “დოჟდი” ასევე პირდაპირ ეთერში ამბობდა, რომ თვითმფრინავი მოსკოვის დომოდევოვოს აეროპორტში გადამისამრთდა. მოლოდინის პერიოდში, მაშინც როცა თვითმფირნავი უკვე ადგილზე უნდა ყოფილიყო, “ნოვაია გაზეტამ” გაავრცელა ინფორმაცია, რომ მზადყოფნა გამოცხდადდა სამხედრო აეროდრომზეც, დაუგეგმავი რეისისთვის.
ფაქტია, რომ თვითმფრინავა დააგვიანა და დაგეგმილზე გვიან, მარშრუტის რამდენჯერმე ცვლილების შემდეგ დაჯდა.
პოლიტიკოსმა ამის შესახებ განაცხადა, რომ თვითმფირნავის შეცვლილი მიმართულება და დაკეტილი აეროპორტი, კარგი დემონსტრირებაა იმისა, თუ რა ხდება რუსეთში. დღეს “საჭიროა ბრძოლა” – აღნიშნა ნავალნიმ.
აღსანიაშანავია, რომ სანამ ნავალნი მოსკოვში ჩაფრინდებოდა, პოლიციელიბით სავსე აეროპორტში დააკავეს პოლიტიკოსის მომლოდინე გულშემატკივრები. აეროპორტშივე დააკავეს ნავალნის ანტი-კორუფციული ფონდის ადოვოკატი, ლიუბოვ სობოლიც. ასევე დააკავეს პირი, რომელსაც ხელში რუსეთის დროშა წარწერით “ნავალნი, დიახ” ეწერა.
ასევე აღსანიშავია, რომ დაკავებულებს შორის არიან ჟურნალისტებიც – Daily Storm-ის ანტონ სტარკოვი, კომერსანტის – ივან ვოდოპიანოვა და ასევე ჟურნალისტი კირილ ბორისოვი. მისი ჟურნალისტის დაკავებაზე ცნობებს ავრცელებს “ნოვაია გაზეტაც”.
აეროპორტის დარბაზიდან პოლიციელების მიერ გარეთ გაშვებული აქტივისტები სკანირებდნენ – “თავისუფლება პოლიტპატიმრებს”, “სრიცხვილია, სირცხვილია”.
აქვე აღსანიშნავია, რომ ოპოზიციონერმა, მოსკოვში გაფრენამდე განაცხადა, რომ დააკავებდენ.
,,ვიცი, რომ აეროპორტში დამაკავებენ“, – აღნიშნა ნავალნიმ მოსკოვში გაფრენის წინ.
ალექსეი ნავალნის, მოსკოვში დაკვებას დასაველეთიდ ლიდერების გამოხმაურება მოჰყვა.
დასავლეთში, კრემლი გააკრიტიკეს და მოუწოდეს ოპოზიციონერი პოლიტიკოსის გათავისუფლებისკენ.
ალექსეი ნავალნის დაკავებას, აშშ-ის არჩეული პრეზიდენტის, ჯო ბაიდენის შტაბი „შერემეტიევოს“ აეროპორტში გამოეხმაურა.
„ნავალნი დაუყოვნებლივ უნდა გაათავისუფლონ და მისი მკვლელობის მცდელობაში მონაწილე პირები პასუხისგებაში უნდა მისცენ. კრემლის თავდასხმები ნავალნიზე არა მხოლოდ ადამიანის უფლებების დარღვევაა, არამედ რუსი ხალხის შეურაცხყოფაცაა, რომელსაც სურს, რომ მისი ხმა გაიგონ“, – დაწერა Twitter-ზე ჯეიკ სალივანმა, რომელიც ჯო ბაიდენის ადმინისტრაციაში ეროვნული უსაფრთხოების საკითხებში მრჩევლის პოსტს დაიკავებს.
ასევე კრემლის კრიტიკოსის ნავალნის „შერემეტიევოს“ აეროპორტში დაკავებას გამოეხმაურა, აშშ-ის სახელმწიფო მდივანი, მაიკ პომპეო, რომელმაც აღნიშნა, რომ ნავალნისა და სხვა ოპოზიციონერი ფიგურების გაჩუმების მორიგ მცდელობას წარმოადგენს და რუსეთს გათავისუფლებისკენ მოუწოდა
„აშშ მკაცრად გმობს ალექსეი ნავალნის დაპატიმრებას. სერიოზული შეშფოთებით აღვნიშნავთ, რომ ეს დაკავება ნავალნისა და სხვა ოპოზიციონერი ფიგურების გაჩუმების მორიგ მცდელობას წარმოადგენს. საკუთარ თავში დარწმუნებულ პოლიტიკურ ლიდერებს კონკურენტების არ ეშინიათ და არ ახორციელებენ ძალადობას ან პოლიტიკური ოპონენტების დაკავებას. დაჟინებით მოვუწოდებთ რუსეთის მთავრობას, უზრუნველყოს თანაბარი პირობები ყველა პოლიტიკური პარტიისა და კანდიდატისთვის, რომლებიც ცდილობენ კონკურენცია გაუწიონ საარჩევნო პროცესს. ალექსეი ნავალნი პრობლემა არ არის. ჩვენ მოვითხოვთ მის დაუყოვნებლივ და უპირობო გათავისუფლებას“, – აღნიშნულია მაიკ პომპეოს განცხადებაში.
მოსკოვის აეროპორტში, რუსი ოპოზიციონერის დაკავებას Twitter-ზე გამოეხმაურა, საგარეო პოლიტიკისა და უსაფრთხოების საკითხებში ევროკავშირის უმაღლესი წარმომადგენელი, ჟოზეპ ბორელი.
„რუსეთის ხელისუფლებამ ალექსეი ნავალნის უფლებებს პატივი უნდა სცეს და ის დაუყოვნებლივ უნდა გაათავისუფლოს. სასამართლო სისტემის პოლიტიზაცია მიუღებელია“ – დაწერა ჟოზეპ ბორელმა Twitter-ზე.
ასევე „შერემეტიევოს“ აეროპორტში ალექსეი ნავალნის დაკავებას Twitter-ზე გამოეხმაურა, ევროკავშირის საბჭოს პრეზიდენტი, შარლ მიშელი, რომელმაც კრემლს მოუწოდა ოპოზიციონერის გათავისუფლებისკენ
„ალექსეი ნავალნის დაკავება მიუღებელია. რუსეთის ხელისუფლებას მოვუწოდებ, დაუყოვნებლივ გაათავისუფლოს“, – დაწერა შარლ მიშელმა Twitter-ზე.
რუსი პოლიტიკოსის დაკავებას გამოეხმაურა, ბალტიისპირეთის ქვეყნების ლიეტუვას, ლატვიისა და ესტონეთის საგარეო საქმეთა მინისტრები. მათი თქმით, თუ ალექსეი ნავალნის არ გაათავისუფლებენ, ევროკავშირმა რუსეთის წინააღმდეგ სანქციების დაწესების საკითხი უნდა განიხილოს.
„ალექსეი ნავალნის დაკავება აბსოლუტურად მიუღებელია. რუსეთის ხელისუფლებისგან ალექსეი ნავალნის დაუყოვნებლივ გათავისუფლებას მოვითხოვთ. ევროკავშირმა სწრაფად უნდა იმოქმედოს. თუ ალექსეი ნავალნის არ გაათავისუფლებენ, ევროკავშირმა რუსეთის წინააღმდეგ სანქციების დაწესების საკითხი უნდა განიხილოს,“ – დაწერა ლატვიის საგარეო საქმეთა მინისტრმა, ედგარს რინკევიჩსმა Twitter-ზე.
ასევე განცხადებას ავრცელებს, საერთაშორისო ორგანიზაცია Amnesty International. სადაც აღნიშნულია, რომ ალექსეი ნავალნი სინდისის პატიმარი გახდა მას შემდეგ, რაც ის მოსკოვში ჩასვლისთანავე დააკავეს.
“ნავალნის დაკავება მტკიცებულებაა, რომ რუს მაღალჩინოსნებს მისი გაჩუმება სურთ. მისი დაკავება კი მიუთითებს საჭიროებაზე, გამოიძიონ მისივე ბრალდება, რომ ის სახელმწიფო აგენტებმა მოწამლეს უმაღლესი ბრძანების შედეგად.
მათი ერთადერთი დანაშაული ისაა, რომ სურდათ დახვედროდნენ ალექსეი ნავალნის ან გაეშუქებინათ მისი რუსეთში დაბრუნება”. – განაცხადა ორგანიზაციის მოსკოვის ბიუროს დირექტორმა.
რუსი სამართალდამცავების მტკიცებით, ალექსეი ნავალნის გაფლანგვის ბრალდებით მისჯილი პირობითი მსჯავრის დარღვევის გამო პატიმრობა ემუქრება. ჯერ კიდევ 2014 წელს ალექსეი ნავალნი და მისი ძმა, დამნაშავედ ცნეს თაღლითობაში. გამოძიების მტკიცებით, ძმებმა “ივ როშე” დაარწმუნეს, გაეფორმებინათ არახელსაყრელი კონტრაქტი.თავის მხრივ ოპოზიციონერი პოლიტიკოსი ამტკიცებს, რომ ეს პოლიტიკურად მოტივირებული საქმეა მის წინააღმდეგ და პუტინი გამოგონილი ბრალდებებით ცდილობს მის შეჩერებას.
განცალკევებულად ამ საქმიდან, რუსეთის საგამოძიებო კომიტეტმა ნავალნის წინააღმდეგ ახალი საქმე აღძრა, სადაც მას თაღლითობაში სდებენ ბრალს, მათ შორის თავისი ანტიკორუფციული ფონდისთვის გადარიცხული თანხების გამო, ისევე როგორც სხვა არასამთავრობო ორგანიზაციებთან ფულის ტრანსფერის გამო პირადი მიზნებისთვის, რაც 10 წლამდე პატიმრობას გულისხმობს.
შეგახსენებთ, რომ რუსი ოპოზიციონერი პოლიტიკოსი ალექსეი ნავალნი, რუსეთის ქალაქ ტომსკში 2020 წლის 20 აგვისტოს მოწამლეს. უგონო მდგომარეობაში მყოფი პოლიტიკოსი რამდენიმე დღეში ბერლინში გადაიყვანეს, სადაც დადგინდა, რომ ნავალნი „ნოვიჩოკის“ ტიპის ნევრულ-პარალიტიკური აგენტით იყო მოწამლული. ნავალნის მოწამვლასთან კავშირს კრემლი კატეგორიულად უარყოფს.
