ოზურგეთის მუნიციპალიტეტის საკრებულოზე 2026 წლის ბიუჯეტის პროექტი იმაზე მალე დაამტკიცეს, ვიდრე წინა წლებში, საკრებულოში ოპოზიციური პარტიების წარმომადგენლების ყოფნის დროს.
26 დეკემბრის საკრებულოს სხდომაზე რამდენიმე სიტყვით გამომსვლელი აღნიშნავდა, რომ ბოლო პერიოდში , გარე და შიდა ძალები კოორდინირებულები აპირებდნენ დესტრუქციული და არაადეკვატური საქმიანობების შედეგად ქვეყანა მძიმე მდგომარეობაში ჩაეგდოთ.
ასევე ყველა გამომსვლელის სიტყვაში ისმოდა, რომ „ქართული ოცნების“ და მასთან დაახლოებული ოპიზიციური პარტიის წევრებს მხარი დაეჭირათ 2026 წლის ბიუჯეტის პროექტისთვის.
2026 წლის ბიუჯეტის პროექტი 48 070 000 ათასი ლარით განისაზღვრა. ინფრასტრუქტურა – 8 მილიონი ლარი; დასუფთავება – 5 მილიონი ; ლარი; განათლება – 9 მილიონი ლარი; კულტურა , ახალგაზრდობა, სპორტი – თითქმის 10 მილიონი ლარი; ჯანდაცვა და სოციალური სფერო – 3 მილიონი ლარი; ადგილობრივი ეკონომიკური განვითარების ხელშეწყობა – 4 მილიონი ლარი; მმართველობა – 11 მილიონი ლარი, მათ შორის საკრებულო – თითქმის ორნახევარი მილიონი ლარი, ხოლო მერია – 7 მილიონი ლარი და ა.შ.
„გურია ნიუსი“ ოზურგეთის მუნიციპალიტეტის საკრებულოს თავმჯდომარეს, დავით დარჩიას ესაუბრა.
როგორც დავით დარჩია ჩვენთან საუბარში ამბობს, ოზურგეთის მუნიციპალიტეტის ბიუჯეტის პროექტის განხილვა დიდიხანია მიმდინარეობდა და ნებისმიერ ადამიანს შეეძლო დასწრებოდა მის განხილვას.
_ თითქმის ერთი თვის განმავლობაში ყველა კომისიაში და ფრაქციაში განიხილეს ყველა საკითხი და იყო აზრთა სხვადასხვაობა. დღეს მისასალმებელია, რომ ამდენი ხნის შემდეგ მშვიდ გარემოში, წყნარად დამტკიცდა წლის დოკუმენტი – 2026 წლის ბიუჯეტი.
_ ბატონო დავით, ორი წლის განმავლობაში წლის ბიუჯეტის პროექტის საჯარო განხილვა არ მომხდარა. მაგალითად , იყო პერიოდი დემოკრატიული ჩართულობის ცენტრში იმართებოდა პროექტის განხილვა, სადაც იკრიბებოდნენ არასამთავრობო ორგანიზაციის და მედიის წარმომადგენლები, ასევე აქტიური მოქალაქეები. რატომ აღარ ხდება მსგავსი შეხვედრები?
_ საჯარო განხილვები დაიწყო იმ დროიდან, როდესაც ოზურგეთის მუნიციპალიტეტის მერიამ წარმოადგინა 2026 წლის ბიუჯეტის პროექტი. პროექტი ყველასთვის ხელმისაწვდომი იყო მუნიციპალიტეტის ვებ-გვერდზე და ასევე ფეისბუქგვერდზე. დაინტერესებულ პირებს შეეძლო გაეხსნათ ეს დოკუმენტი, წაეკითხათ და თავისი მოსაზრება დაეფიქსირებინათ,_ გვითხრა დავით დარჩიამ.
