ჩოხატაურელი, 26 წლის ნინო ჯიბუტი, საქართველოს პოლიტიკის ინსტიტუტის UშAID- ის პროგრამის კოორდინატორი, წარმატებული კარიერის გზაზე დგას და როგორც მშობლიურ ქალქში, ისე სამშობლოსა და მის ფარგლებს გარეთ სიყვარული და პატივისცემა დაიმახურა, როგორც მომავლის ქვეყნის საიმედო ახალგაზრდამ.
ნინო ჯიბუტმა ჩოხატაურის #1 საჯარო სკოლა დაამთავრა. მოსწავლეობიდანვე ადგილობრივ დონეზე აქტიურად იყო ჩართული სხვადასხვა ახალგაზრდულ აქტივობაში.
_ გარდამტეხი წელი იყო 2010-11, როცა მე და ჩემი ტყუპისცალი და თამუნა ამერიკაში მომავალ ლიდერთა გაცვლითი პროგრამით (FLEX), სრული სტიპენდიით გავემგზავრეთ, სადაც ტრანსოფრმაციული ერთი წელი გავატარეთ – „ამერიკული ოცნებით“ ვიცხოვრეთ. თამუნამ სტომატოლოგია აირჩია მომავალ პროფესიად, სახელმწიფო სამედიცინო უნივერსირტეტში. მე კი სოციალურ და პოლიტიკურ მეცნიერებათა ფაკულტეტზე ჩავირიცხე ივანე ჯავახიშვილის თბილისი სახელმწიფო უნივერსიტეტში. ამერიკაში სწავლის გამოცდილება და დამოუკიდებლობა, რომელსაც მე და ჩემმა დამ ჯერ კიდევ სკოლის მოსწავლეობისას ვეზიარეთ, ჩვენთვის დღემდე ერთ-ერთ გარდამტეხ პერდიოდად რჩება. ეს იყო შესაძლებლობა, რომელმაც ბევრი რამ შეცვალა ჩვენს ცხოვრებაში. თვითრწმენა მოგვცა, რომ თავდაუზოგავ მუშაობას, საკუთარ თავზე შედეგი მოაქვს და ფასდება- ამბობს „გურია ნიუსთან“ ნინო ჯიბუტი.
ის წარმატების უპირველეს მოტივატორად მშობლებს მიიჩნევს.
_ მშობლები მუდამ ჩვენს გვერდით იყვნენ და დღემდე ორივესთვის მოტივაციის წყაროა. მათი თანადგომა შეუფასებიალია. ამერიკაში ღირებულებების გადაფასება შევძელით, უფრო ღია და მიმღებლური გავხდით ყველაფრის მიმართ. ოკეანის მიღმა ოჯახები გავიჩინეთ, რომლებიც მუდამ სიხარულით გველოდებიან სამყაროს მეორე ნახევარსფეროზე, _ გვიამბობს ნინო და მიიჩნევს, რომ ამ პირველმა წარმატებამ ამ პატარა ასაკში ბევრ შესაძლებლობას გაუხსნა კარი. გარდა პიროვნული თვისებებისა, დამოუკიდებლობა და ბრძოლისუნარიანობა ასწავლა მათ და იმაში დაარწმუნა, რომ თუ რამე გულით გინდა ადამიანს, აუცილებლად გამოგივა.
ამერიკას მომდევნო წარმატებები მოჰყვა ნინო ჯიბუტის ცხოვრებაში.
პრაღის, ჩარლზის უნივერსიტეტში ერთი წლით იყო წასული ბილატერალური გაცვლითი პროგრამით. საქართველოში დაბრუნებულმა 2015 წლიდან, წელიწადნახევარი ორ სხვადასხვა საერთაშორისო ორგანიზაციაში იმუშავა და 2017 წელში ევროკავშირის ერასმუს მუნდუსის სრული სამაგრისტრო პროგრამის დახმარებით, ხარისხი მოიპოვა, 2019 წელს სოციალური მუშაობის მიმართულებით. პროგრამის ფარგლებში იცხოვრა და ვისწავლე პორტუგალიაში, ნორვეგიასა და შვედეთში. რამდენიმე თვეა დაბრუნდა საქართველოში და შეუერთდა საქართველოს პოლიტიკის გუნდს, რომელიც ახორციელებს ერთ-ერთი საერთაშორისო დონორის UშAID-ის ფინანსური დახმარებით პროექტს – ცვლილებებზე ორიენტირებული ლიდერული პოტენციალის მქონე ახალგაზრდებისთვის, რომელიც მიზნად ისახავს განსაკუთრებით რეგიონებში ახალგაზრდები გახდნენ ცვლილების აგენტები.
როგორც ნინო გვიამბობს, აღნიშნული ინციატივა ახალგაზრდებს საშუალებას აძლევს გაიღრმავონ ლიდერული უნარ-ჩვევები, წაახალისოს მათი სოციალური და პოლიტიკური ჩართულობა და საშუალება მიეცეს ახალგაზრდების ცნობიერების ამაღლების ზოგადად პოლიტიკური და სოციალური საკითხების მიმართულებით.
_გასული ექვსი წლის მანძილზე, განვახორციელე არაერთი სოციალური პროექტი საქართველოს სხვადასხვა რეგიონში, რომელიც ახლაგაზრდებისთვის თანაბარი შესაძლებლობების მიცემას ისახავდა მიზნად. რამდენადაც ბანალურად არ უნდა ჟღერდეს, ახალგაზრდებში ჩადებული ინვესტიცია ოჯახისა და საერთოდ სახელმწიფოს მხრიდან არის ყველაზე ღირებული რამ, რაც შეიძლება გაკეთდეს, რადგან დაუშრეტელი რესურსი არსებობს მომავალ თაობებში, რომელიც ისევე და ისევ ჩვენს დასავლურ მისწრაფებეთან და რეალურ ცვლილებებთან გვაახლოებს, – მოოცნევს ნინო და სჯერა რომ ამ საქმეს თავად ძალიან კარგად ემსახურება.
„გურია ნიუსი“ კვლავ წარმატებებს უსურვებს ნინო ჯიბუტს.
