გარემოს ეროვნული სააგენტო, მოსალოდნელი ამინდის შესახებ განახლებულ პროგნოზს ავრცელებს. სააგენტოს ინფორმაციით, მოსალოდნელია ამინდის მკვეთრად გაუარესება.
„19 ივნისს დღის ბოლოდან 22 ივნისამდე, საქართველოს უმეტეს რაიონში მოსალოდნელია ხანმოკლე წვიმა, ზოგან ძლიერი, ელჭექი და ქარი, აღმოსავლეთ საქართველოში ზოგან სეტყვა.
მოსალოდნელმა ძლიერმა წვიმებმა საქართველოს პატარა მდინარეებზე შესაძლებელია წყალმოვარდნები, ხოლო ქვეყნის მთიან ზონებში მეწყრულ-ღვარცოფული პროცესების ჩასახვა – გააქტიურება გამოიწვიოს“.
