რუსეთი უკრაინაში სამოქალაქო ინფრასტრუქტურის წინააღმდეგ აკრძალულ კასეტურ საბრძოლო მასალას იყენებს. ამის შესახებ საერთაშორისო უფლებამდამცველი ორგანიზაციია Amnesty International აცხადებს.
როგორც ორგანიზაციაში აცხადებენ, ჩრდილო-აღმოსავლეთ უკრაინაში სკოლამდელი აღზრდის დაწესებულებას 25 თებერვალს, დილით, საყოველთაოდ აკრძალული კასეტური საბრძოლო მასალით დარტყმა მიაყენეს, მაშინ როცა მშვიდობიანი მოქალაქეები შეფარებულები იყვნენ შიგნით, დაიღუპა სამი მათგანი, მათ შორის ერთი ბავშვი და დაიჭრა კიდევ ერთი ბავშვი, როგორც ჩანს, თავდასხმა განხორციელდა რუსეთის ძალების მიერ, რომლებიც მოქმედებდნენ იქვე და რომლებსაც აქვთ სამარცხვინო ისტორია დასახლებულ პუნქტებში კასეტური საბრძოლო მასალის გამოყენების შესახებ.
Amnesty International-მა დაადასტურა, რომ 220 მმ-იანი ურაგანის რაკეტამ კასეტური საბრძოლო მასალები ჩამოაგდო სონეჩკოს ბაგა-ბაღსა და საბავშვო ბაღში სუმის ოლქის ქალაქ ოხტირკაში, სადაც ადგილობრივი მოსახლეობა ეძებდა თავშესაფარს. ეს შესაძლოა იყოს ომის დანაშაული.
„არავითარი გამართლება არ არსებობს დასახლებულ პუნქტებში კასეტური საბრძოლო მასალის გამოყენებისთვის, რომ აღარაფერი ვთქვათ მის სკოლასთან გამოყენების შესახებ. ესეთი თავდასხმა ახასიათებს რუსეთის. ამ საერთაშორისოდ აკრძალული იარაღის გამოყენება სამოქალაქო პირების სიცოცხლის უხეში უგულებელყოფაა,“ – აღნიშნა Amnesty International-ის გენერალურმა მდივანმა, ანიეს კალამარმა.
ცნობისთვის, უკრაინაში საომარი მდგომარეობაა გამოცხადებული. აშშ-მ, დიდმა ბრიტანეთმა, ევროკავშირმა, იაპონიამ, კანადამ და სხვა ქვეყნებმა რუსეთს მკაცრი სანქციები დაუწესეს.
27 თებერვალს კი უკრაინამ რუსეთის წინააღმდეგ გაეროს საერთაშორისო სასამართლოში შეიტანა სარჩელი.
[sexy_author_bio]
