„ვირუსის გავრცელება ვაქცინების განაწილებას უსწრებს. ეს პანდემიის დასასრული ჯერ კიდევ შორსაა.“ ამის შესახებ გაეროს გენერალურმა მდივანმა, ანტონიო გუტერეშმა განაცხადა.
როგორც pmnewsnigeria წერს, გაეროს გენერალურმა მდვანმა განაცხადა, რომ თუ ვირუსს გავრცელების საშუალება ექნება, კიდევ მილიონობით ადამიანი საფრთხის ქვეშ აღმოჩნდება.
„ვირუსის გავრცელება ვაქცინების განაწილებას უსწრებს. ეს პანდემიის დასასრული ჯერ კიდევ შორსაა. მსოფლიოს მასშტაბით კორონავირუსით გარდაცვლილთა ნახევარზე მეტი მიმდინარე წელზე მოდის.
რაც უფრო აქტიურად ვრცელდება ვირუსი, მით უფრო მეტი შტამი ჩნდება, რომელიც უფრო გადამდები, უფრო მომაკვდინებელი და ვაქცინების მიმართ უფრო მდგრადი იქნება“, – განაცხადა ანტონიო გუტერეშმა.
გამოცემის ცნობით, გაეროს გენერალური მდივანი, მოწოდებით გამოვიდა, რომ შეიქმნას ვაქცინაციის გლობალური გეგმა, რათა ვაქცინების წარმოება, სულ მცირე, გაორმაგდეს და მათი სამართლიანი განაწილება უზრუნველყოფილი იყოს.
ცნობისთვის, ჯანდაცვის მსოფლიო ორგანიზაციის მონაცემებით, მსოფლიოში კორონავირუსით გარდაცვლილთა რიცხვმა 4 მილიონს გადააჭარბა.
ავტორი: მერაბ ცაავა
