მედიის წარმომადგენლებზე თავდასხმის კიდევ ერთი ფაქტი – მეცნიერებათა აკადემიასთან, პროფესიული მოვალეობის შესრულებისას რადიოთავისუფლების ჟურნალისტზე, დათო ცაგარელზე სპეცრაზმელმა იძალადა _ ნიღბიანმა პირმა ჟურნალისტს მუცლის არეში მუშტი ჩაარტყა, _ იუწყება tv პირველი.
ცაგარელი არ არის მედიის ერთადერთი წარმომადგენელი, რომელსაც აქციაზე პროფესიული საქმიანობის შესრუელბის დროს ფიზიკურად გაუსწორდნენ.
არსებობს არაერთი მტკიცებულება, რომ საპოლიციო ძალები აქციის მონაწილეებს და ჟურნალისტებს გამეტებით ურტყამენ.
- რუსთაველის გამზირზე გადაღებული კადრების გაშიფვრის შემდეგ დასტურდება, რომ “ფორმულას” ჟურნალისტს, გურამ როგავას პროფესიული საქმიანობის შესრულების დროს, თავს სპეცრაზმელი დაესხა.
- პოლიცია სასტიკად გაუსწორდა “ტვ პირველის“ გამოძიებელ ჟურნალისტთა ოფისის ტელეოპერატორ გიორგი შეწირულს – გომალაურის თანამშრომლებმა რეპორტიორი წააქციეს და ფიზიკურად გაუსწორნენ.
ამ დროსი მონაცემებით, საპროტესტო აქციაზე “ტვ პირველის“ 5 თანამშრომელი – ჟურნალისტები და ოპერატორები დაშვდნენ.
- ოპერატორი, ნიკო კოკაია დღეს ძალადობის მსხვერპლი მეორედ გახდა – მაშინ როცა ჩვენი ოპერატორი პროფესიულ მოვალეობას ასრულებდა მას სპეცრაზმმა ახლო მანძილიდან, სახეში, დამიზნებით წიწაკის სპრეი შეასხა.
- შინაგან საქმეთა სამინისტროს ძალადობრივი ქმედებების შედეგად “ტვ პირველის“ კიდევ ერთი ოპერატორი, დავით ბიჭიკაშვილი დაშავდა.
- შინაგან საქმეთა სამინისტროს ძალადობრივი ქმედებების შედეგად ასევე დაშავდა ტვ პირველის ჟურნალისტი, ანა მდივანი.
- სპეცრაზმის სამიზნე “ტვ პირველის” რეპორტიორი, ნანუკა ქაჯაია გახდა – შინაგან საქმეთა სამინისტროს დანაყოფებმა ჩვენს კორესპოდენტს დამიზნებით წყლის ჭავლი მაშინ გამოიყენა, როცა ის რუსთაველის გამზირზე ჟურნალისტირ საქმიანობას ეწეოდა და პირდაპირ ეთერში აჩვენებდა მაყირებელს დარბევის ადგილს.
- პოლიციამ ძალადობით დააკავა და სცემა „პუბლიკის” ჟურნალისტ ალექსანდრე ქეშელაშვილი.
- რუსთაველის გამზირზე, აქციის დარბევის დროს, “მთავარი არხის” ჟურნალისტი, დეა მამისეიშვილი და ოპერატორი, გიორგი გოგინაშვილი დაშავდნენ.
- აქციაზე დაშავდა “ნეტგაზეთის” ჟურნალისტი, გივი ავალიანი. ასევე, OC მედიას ჟურნალისტი, მარიამ ნიკურაძეც.
- აქციის გაშუქებისას დაშავდნენ „ფორმულას” ჟურნალისტი გიორგი კვიჟინაძე და ოპერატორი თედო ქვაჩახია.
