“არ მგონია, რომ შენ შეძლებ, თითი დააჭირო!“ _ თაკო ჩარკვიანი ქეთი დუმბაძეს მიმართავს

„სტრატეგია აღმაშენებლის“ ერთ-ერთმა ლიდერი თაკო ჩარკვიანი დეპუტატ ქეთი დუმბაძეს მიმართავს:

„საკანონმდებლო ორგანოში მეგულება ქეთი დუმბაძე. არ ვიცი, ხშირად ჩემი ადამიანური მოლოდინები, სამწუხაროდ, არ ამართლებს ხოლმე, მაგრამ მაინც ვიტოვებ იმედს, რომ კიდევ ვიღაცა აღმოჩნდება. მე ქეთის აქედან ვეტყოდი _ არ მგონია, რომ შენ შეძლებ თითი დააჭირო იმ ადამიანის დაჭერას, ვინც ქართული სახელმწიფოებრიობა დაიცვა იმ საშიშროებისგან, რასაც ჰქვია რუსი ოკუპანტის პირველ სავარძელში ჯდომა.

იმედს ვიტოვებ და ველოდები ხვალინდელ დღეს, რომ შენ იმ ღილაკს სამარცხვინოდ ხელს არ დააჭერ“, _ ამბობს თაკო ჩარკვიანი.

„გავრილოვის ღამე გააპროტესტა ყველამ, ვინც დაიცვა ქართული სახელმწიფო. არ მახსენდება დამოუკიდებელი საქართველოს ბოლო დროინდელ ისტორიაში ასეთი შეურაცხყოფა, რომ ეკრანზე ვიხილეთ ოკუპანტი ქვეყნის მაღალჩინოსანი საკანონმდებლო ორგანოს პირველ სკამზე. ეს იყო პრაქტიკულად სიგნალი რუსეთისთვის, რომ შესაძლებელია, ამ სკამში 21-ე საუკუნის ტერიტორიებდაგლეჯილ საქართველოში პირველ სკამში ჩასვათ ოკუპანტი გავრილოვი. მთელი უბანი და ჩემს გარშემო ვისაც ვიცნობ, იმისტი, ამისტი, საქართველოისტი, ყველა გარეთ იყო. ახალგაზრდობამ ღირსეულად დაიცვა, სწორად აღიქვა ეს უბედურება ქართული სახელმწიფოებრიობის წინააღმდეგ. რა საინტერესოა და პარადოქსული, რომ თურმე ჩვენ პასუხი უნდა მოვთხოვოთ. პასუხი მოთხოვოს ხელისუფლებამ ვინც გააპროტესტა ეს პროვოკაცია, თუ იმ პროვოკატორებს, ვინც ეს ჩაიდინა“, _ თქვა ჩარკვიანმა.

შეგახსენებთ, გენერალურმა პროკურატურამ ნიკა მელიასთვის აღკვეთის ღონისძიებად პატიმრობის გამოყენებასთან დაკავშირებით პარლამენტს მიმართა. როგორც “ქართული ოცნების“ შეკრებიდან გახდა ცნობილი, ნიკა მელიას იმუნიტეტის მოხსნის საკითხს მმართველი პარტია პარლამენტის სხდომაზე დააყენებს.

წყარო: www.1tv.ge