ჟურნალისტი და უფლებადამცველი ლაშა მესხი ფეისბუქის საკუთარ გვერდზე საგანგებო მდგომარეობის გამოცხადებას ეხმაურება.
უფლებადამცველის თქმით, ახლა როგორც არასდროს გვჭირდება ერთობა!
“საქართველოში საგანგებო მდგომარეობა გამოცხადდა!
მთავარი შეზღუდვა რაც ოფიციალურად დაწესდება არის ის, რომ იკრძალება 10 ადამიანზე მეტი თავყრილობა!
ეს გადაწყვეტილება სწორია და აქამდეც უნდა მიეღოთ. ჯერჯერობით არ ცხადდება კომენდანტის საათი (რაც ადამიანებს გარეთ გასვლას პირდაპირ შეუზღუდავს).
ობიექტურად მივუდგეთ აღნიშნულ ცვლილებას მეგობრებო! ახლა როგორც არასდროს გვჭირდება ერთობა!
დიახ, საგანგებო მდგომარეობა ეხება ჩვენს დედა ეკლესიასაც. და ვფიქრობ მართლმადიდებელი ეკლესია, როგორც ჩვენი სახელმწიფოს განუყოფელი ნაწილი უნდა დაემორჩილოს ამ დირექტივას.
არ მიიღოთ საგანგებო მდგომარეობის გამოცხადება, ეკლესიაზე იერიშად! ამ გადაწყვეტილებით არავინ ეხება ჩვენს სარწმუნოებას! ახლა მთავრობის და თითოეული მოქალაქის მთავარი ამოსავალი უნდა იყოს, რომ როგორმე მოხდეს ვირუსის გავრცელების შეკავება. და დიახ! მსოფლიოში ერთადერთი გამოსავალი არის სოციალური დისტანცირება!
სახლში უნდა დავრჩეთ ყველა, მართლმადიდებელი, მუსლიმი, ათეისტი, მშენებელი, მუშა, დამლაგებელი, მეწაღე, სპორტსმენი თუ პედაგოგი….
აუცილებელია გავიაზროთ ჩვენი როლი ამ კრიტიკულ სიტუაციაში და მიუხედავად პოლიტიკური გემოვნებისა გვერდში დავუდგეთ მთავრობას კრიზისის დასაძლევად!” _ წერს ლაშა მესხი.
