არ მინდოდა მეთქვა, მაგრამ ისე ვერ დავიძინებ, უნდა დავწერო სტატუსი სათაურად ,,ზამთრის შოუ უბედურებისთვის”
+7 გრადუსია და იმდენმა მკითხა და ისეთ სტატიებს წერენ, მგონია პინგვინები უკვე ბათუმის ბულვარში ჩამოვიდნენ. „ასეთი ჯერ არ ყოფილა“, ვაიმე როგორ ცივა ბევრის საყვარელი მანტრა. ალბათ ყოველ წელს მეხსიერებას „რეფრეშს“ უკეთებენ, რომ ისევ გაოცდნენ.
თუ სიცივე გაგრძელდა მალე ხალხს ყინულის სკაფანდრის ჩაცმისკენ მოუწოდებენ და თუ დათბა +15-ზე საგანგებო სხდომას მოიწვევენ: „გლობალური დათბობა საქართველოში!“
ამ დრომდე ბუნებამ მზიანი დღეებით გაგვანებივრა, ახლა კი მედია და ბევრი ახლობელიც ისე წუწუნებს, თითქოს პირადად შეურაცხყოფა მიაყენა მზემ.
სინამდვილეში, პრობლემა არა ამინდი, არამედ მათი „საგანგებო“ სათაურების ბიზნესია: რაც უფრო ხმაურიანია, მით უფრო გაყიდვადია.
ყველა, ნორმალურად ვინც აზროვნებს ხედავს – ზამთარია, ჩვეულებრივი სეზონი. მაგრამ ბევრისთვის ეს „კატასტროფაა“, რადგან რეალობა სათაურებს ვერ ყიდის.
ძალიან გამიხარდება, თუ ოდესმე ფეისბუკი დაბლოკავს იმ უსასრულო აჟიოტაჟს, რომელსაც სულელები ქმნიან.
ყველას თავისი საქმე აქვს – სანდოობით გამორჩეულმა ჟურნალისტმა ფაქტი თქვას, მეტეოროლოგმა პროგნოზი გააკეთოს, მოქალაქემ კი უბრალოდ იცხოვროს და მოემზადოს სეზონისთვის.
თუ ეს წესრიგი ოდესმე დამყარდება, იქნებ რამე გვეშველოს და აღარ მოგვიწიოს ყოველდღე „საგანგებო“ სათაურებით ნერვების ჭამა. სულელური პანიკა რომ არ იყოს, რეალობა ბევრად უფრო მშვიდი და გასაგები იქნებოდა.
