საგარეჯოში მომხდარი 14 წლის გოგოს მკვლელობაში ბრალდებული 27 წლის ალიმ ასლანოვი ამბობს, რომ გოგონა განგებ არ მოუკლავს და მას იარაღი პნევმატური ეგონა. მისი მტკიცებით, გოგონას არასრულწლოვნების შესახებაც არ იცოდა.
„არ ვაღიარებ განზრახ მკვლელობას. ვნანობ, მაგრამ განზრახ არ ყოფილა… იარაღთან შეხება არ მქონია. მეგონა, მხოლოდ ჭრილობას მივაყენებდი და როცა სისხლი დავინახე, შემეშინდა და გაიქეცი. Მეგონა, პნევმატიკური იყო და მხოლოდ ხმას გამოსცემდა. იარაღის ტარებაც კი არ ვიცი. არასდროს მქონია ის… ტრავმა მაქვს თავზე მიღებული, ადრე ცხენიდან გადმოვვარდი და გონზე არ ვიყავი, როდესაც ეს ჩავიდინე… Მე არ ვიცოდი, რომ ის მოვკალი. დაკავების დროს გავიგე მამაჩემისგან… მე არ მყავდა არასრულწლოვანი ცოლად. დედამისი მეუბნებოდა, რომ ის 18 წლის იყო“, – თქვა ალიმ ასლანოვმა სასამართლოში.
