ინდოეთში, ქაშმირში უსაფრთხოება გაძლიერებულია, გადაკეტილია გზები და ასევე შეჩერებულია მატარებლების მიმოსვლა. აღნიშნულ ინფორმაციას BBC ავრცელებს.
როგორც ცნობილია, გუშინ, შუალედური არჩევნების ჩატარების დროს პოლიციასა და პროტესტანტებს შორის შეტაკება მოხდა, რასაც 8 ადამიანი ემსხვერპლა, ხოლო ათეულობით დაშავდა.
გავრცელებული ცნობით, აქციის მონაწილეები ინდოეთში არსებულ წესებს აპროტესტებდნენ, რა დროსაც საარჩევნო უბნებზე შეიჭრნენ, პოლიციამ კი მათ დასაშლელად რეზინის ტყვიები გამოიყენა.
ადგილობრივი მედიის ინფორმაციით, უცნობმა მომიტინგეებმა 2 სკოლას ცეცხლი წაუკიდეს.
მაუწყებლის ინფორმაციით, სეპარატისტმა ლიდერებმა არჩევნებს ბოიკოტი გამოუცხადეს.
როგორც ცნობილია, ქაშმირი, უკვე ათეულობით წელია, რაც ინდოეთისა და პაკისტანს შორის ტერიტორიული დავის საკითხია, თუმცა ორივე ქვეყანა ქაშმირს თავის ტერიტორიულ შემადგენლობაში განიხილავს და ქალაქის სხვადასხვა ნაწილს აკონტროლებს.
