ოზურგეთის სახელმწიფო დრამატული თეატრის სცენაზე პირველად დაიდგა არჩილ სულაკაურის ცნობილი ზღაპარი “სალამურას თავგადასავალი“. სპექტაკალ „სალამურას“ რეჟისორი, ქართული თეატრისთვის კარგად ცნობილი ელენე მაცხონაშვილია. ბოლო პერიოდში ზრდასული მაყურებელისთვის ელენემ არაერთი სპექტაკლი დადგა და დადებითი რეაქციები და ემოციებიც დაიმსახურა.
ელენე მაცხონაშვილი „გურია ნიუსთან“ საუბრის დროს ამბობს, რომ საბავშვო სპექტაკლებზე ხშირად მუშაობს.
ელენე მაცხონაშვილი: ზრდასრულ მაყურებელთან განსხვავებით, პატარა მაყურებელს გემოვნება არ აქვს ჩამოყალიბებული. შესაბამისად, პასუხისმგებელი არის რეჟისორი და შემოქმედებითი ჯგუფი იმაზე, რომ ბავშვებს გემოვნებიანი და კარგი პროდუქტი მიაწოდონ სცენიდან. მე მგონია, თეატრის იდეური ვალია, რომ კარგი მაყურებელი აღუზარდოს ქვეყანას და ამ შემთხვევაში კიდევ დამატებით ფუნქცია შევძინოთ. ასევე კარგი იქნება, კლასიკური ნაწარმოების სცენური ვერსია შევთავაზოთ ჩვენს პატარა მაყურებელს.
რაც შეეხება „სალამურას თავგდასავალს“ ძალიან საინტერესო ნაწარმოებია და ვიტყოდი ქართულ თეატრში ბოლო დროს მივიწყებული იყო. თუმცა, მგონია, დადგა დრო, როდესაც შეიძლება დაბრუნდეს მისი ახლებური და თანამედროვე ინტეპრეტაცია.
ელენე მაცხონაშვილი ჩევნთან საუბრის დროს აღნიშნავს, რომ ბავშვებმა სპექტაკლი „სალამურა“ კარგად მიიღეს.
“გამოვყოფდით მათ აქტიურ და ადეკვატურ ჩართულობას სპექტაკლის მსვლელობის დროს. ძალიან ზუსტი რეაქციები ჰქონდათ კონკრეტულ სცენებზე და მინდა ვთქვა, ამან ძალიან გამახარა. ანუ ზუსტად მივიტანეთ ჩვენი სათქმელი ბავშვებთან. მათ ჰყავთ თავისი ფავაროტი გმირები სპექტაკლზე და გულშემატკივრობენ მათ, – გვითხრა სპექტაკლის რეჟისორმა.
სპექტაკლში მონაწილეობენ, მსახიობები: მარიკა ასათიანი, ჯაბა მორჩილაძე, მარიამ ხანთაძე, გიორგი დოლიძე, შორენა გვეტაძე, გენადი ნიკოლაიშვილი, თეა კეჭაყმაძე, ვახტანგ ჩხარტიშვილი, ირაკლი ურუშაძე, ვერიკო ხუხუნაიშვილი. ტექნიკური რეჟისორი: ეკატერინე ანთია, რეჟისორის თანაშემწე გიორგი ბაბილოძე.
ბოლო პერიოდში ოზურგეთის თეატრის სცენაზე ხშირად არის საბავშვო სპექტაკლები და ასევე უკვე თავისი ერთგული მაყურებელიც ჰყავს.
ავტორი
