დღეს, ქალაქ ოზურგეთში საქართველოს პარლამენტის თავმჯდომარის მოადგილე არჩილ თალაკვაძე იმყოფებოდა.
მან ჟურნალისტებთან საუბრის დროს ევროკავშირის მიერ მიღებულ გადაწყვეტილებაზე შემდეგი სახის კომენტარი გააკეთა.
“ეს არის ძალიან მნიშვნელოვანი ეტაპი, როგორც საქართველოს, ასევე უკრაინის და მოლდოვას პოლიტიკურ ცხოვრებაში და ისტორიაში. ძალიან მნიშვნელოვანია, რომ ევროკავშირმა, ევროკომისიამ ამ შემთხვევაში ასეთი მაღალი დონის დოკუმენტში და გადაწყვეტილებაში ასახა და დაადასტურა საქართველოს ევროპული პრესპექტივა მას შემდეგ, რაც ჩვენ საქართველოს კონსტიტუციაში ავსახეთ ევროპული და ევროანტლატიკური მისწრაფებები.
რა თქმა უნდა ჩვენ, როგორც საქართველოს ხელისუფლება საზოგადოებასთან ერთად განვაგრძნობთ სვლას თანმიდევრული რეფორმებით ევროკავშირისკენ და საქართველო აუცილებლად გახდება ევროკავშირის ოჯახის წევრი.საქართველოს ადგილი არის ევროპაში, საქართველოს ადგილი არის ნატოში. ყველა მნიშვნელოვანი რეფორმა და ნაბიჯი, რომელიც გადავდგით-გავაკეთეთ ბოლო პერიოდში სწორედ მიმართულია ევროპული და ევროატლანტიკური არჩევანის გახორციელებისკენ. როგორც, თითოეული ჩვენი გუნდის ლიდერი მათ შორის რა თქმა უნდა მეც მხარს ვუჭერთ საქართველოს ევროპულ და ევროატლანტიკურ არჩევანს. ამიტომ პოლიტიკურ დებატებში იქნება ბევრი არგუმენტი, იქნება ასევე ბევრი პასუხი იმ სპეკულაციებზე, რაც რადიკალურ ოპოზიციას ჰქონდა ან ექნება მომავალში, მაგრამ უნდა გვესმოდეს, რომ ეს არის დემოკრატია და ასეთია დემოკრატია, რომელიც საქართველომ ევროპასთან ერთად აირჩია. ხშირად ეს არის ცხარე დისკუსია, მწვავე დებატები. “ – თქვა არჩილ თალაკვაძემ.
ავტორი
