სოხუმს არ აინტერესებს თბილისის რეაქცია ბელორუსიის პრეზიდენტის ალექსანდრე ლუკაშენკოს აფხაზეთში ვიზიტთან დაკავშირებით,_ ამის შესახებ ოკუპირებული აფხაზეთის ე.წ. საგარეო საქმეთა მინისტრმა ინალ არძინბამ მას შემდეგ განაცხადა, რაც საქართველოს პრეზიდენტმა სალომე ზურბიშვლმა, ბელორუსი დიქტატორის ვიზიტი საერთაშორისო სამართლის დარღვევა უწოდა.
„აფხაზეთის რესპუბლიკა არის დამოუკიდებელი სახელმწიფო, საერთაშორისო სამართლის სუბიექტი და გეოპოლიტიკური რეალობა. ჩვენ მივიჩნევთ ბელორუსიას, როგორც ჩვენი საგარეო პოლიტიკის მნიშვნელოვან სფეროს. ესენი არიან ჩვენი მეგობრები. ჩვენ არ გვაწუხებს მესამე ქვეყნების რეაქცია. მაგალითად, საქართველოსი“, – განაცხადა არძინბამ
ბელარუსის დიქტატორი პრეზიდენტი ალექსანდრ ლუკაშენკო ოკუპირებულ აფხაზეთში ჩავიდა და მარიონეტ ლიდერს, ასლან ბჟანიას ბიჭვინთაში შეხვდა, სადაც ურთიერთობების გაღრმავების საკითხები განიხილა.
ლუკაშენკომ შეხვედრის ფარგლებში თქვა, რომ მან გასულ დღეს რუსეთის პრეზიდენტთან, ვლადიმირ პუტინთან აფხაზეთის საკითხზე ისაუბრა. მისი თქმით, მივიდნენ დასკვნამდე, რომ “აფხაზეთი არ უნდა მიატოვონ”.
ბელარუსი დიქტატორის თქმით, მას ოკუპირებულ აფხაზეთთან სერიოზული ურთიერთობა სურს.
საქართველოს პრეზიდენტმა სალომე ზურაბიშვილმა თავისი ბელორუსი კოლეგა ალექსანდრე ლუკაშენკო, რომელიც აფხაზეთში იმყოფებოდა, ორმხრივი ურთიერთობებისა და საერთაშორისო სამართლის პრინციპების დარღვევაში დაადანაშაულა.
საქართველოს საგარეო საქმეთა სამინისტრომ სპეციალურ განცხადებაში ლუკაშენკო სახელმწიფო საზღვრის დარღვევაში დაადანაშაულა. თბილისმა ვიზიტს “საერთაშორისო სამართლის ფუნდამენტური პრინციპებისა და ნორმების უხეში დარღვევა” უწოდა.
ავტორი
