cnbc– ის ინფორმაციით, მსოფლიო ჯანდაცვის ორგანიზაცია მომავალ კვირას კიდევ ერთხელ იმჯელებს უქმნის თუ არა მაიმუნის ყვავილი გლობალურ ჯანმრთელობას საფრთხეს. როგორც ცნობილია, დაავადების შემთხვევებმა 9200-ამდე გაიზარდა.
ცნობისთვის, გაეროს სააგენტომ გასულ თვეში უარი თქვა მაიმუნის ყვავილის საპასუხოდ გლობალური საგანგებო მდგომარეობის გამოცხადებაზე. მაგრამ იმის გამო, რომ ინფექციები არსებითად გაიზარდა ბოლო რამდენიმე კვირის განმავლობაში, ორგანიზაციამ უნდა განიხილოს, გამოსცეს თუ არა უმაღლესი განგაში.
„მაიმუნების ყვავილის საგანგებო კომიტეტი ხელახლა შეიკრიბება მომავალ კვირას და გადახედავს ტენდენციებს, რამდენად ეფექტურია კონტრზომები და გასცემს რეკომენდაციებს ქვეყნებისა და თემებისთვის, რომლებიც ეპიდემიის წინაშე დგანან, _ განაცხადა ჯანდაცვის მსოფლიო ორგანიზაციის გენერალურმა დირექტორმა, ტედროს ადჰანომ გებრეიესუსმა.
მსოფლიო ჯანდაცვის ორგანიზაციას ჯერ არ დაუკონკრეტებია როდის შეიკრიბება კომისია.
ამ დროისთვის არსებული მონაცემებით, 63 ქვეყანაში მაიმუნის ყვავილის 9200-ზე მეტი შემთხვევაა დაფიქსირებული. წელს დაავადებას 3 ადამიანი ემსხვერპლა.
