გურიის სხვა მუნიციპალიტეტებთან შედარებით, თოვლი დიდი არ არის, მაგრამ ზოგ მაღალმთიან სოფელში არსებულმა თოვლის საფარმაც, გარკვეული პრობლემები შექმნა.
„თითქმის 5 დღეა თოვს, გზა არ არის და ადგილობრივი ხელისუფლების წარმომადგენლები არც კი ფიქრობენ გზის გამწმენდი სამუშაოების ჩატარებას. მხოლოდ არჩევნების დროს ახსოვთ მოსახლეობა. ჭანჭათში დამაჯერებლად გაიმარჯვა “ქართულმა ოცნებამ”, როგორც პარტიამ, ასევე მაჟორიტარმა დეპუტატმა. მოსახლეობამ ამხელა ნდობა გამოუცხადა პარტიას, რომელიც დღეს გზის გაწმენდასაც არ ფიქრობს, არადა, საჭიროების შემთხვევაში, სასწრაფო ვერ ამოვა სოფლის ზედა ნაწილში.
აუცილებლად როცა დაგვჭირდება, მაშინ დავიწყოთ ყვირილი, გვიშველეთო, თუ ხელისუფლებამ უნდა მიიღოს პრევენციული ზომები და მდგომარეობა ამ ზომამდე არ მიიყვანოს.
ადამიანებს გვჭირდება ადგილობრივი ხელისუფლება იმიტომ, რომ მოსახლეობას პრობლემები მოუგვაროს და არა იმიტომ, რომ აქეთ გვითხრან – ტრაქტორი არ გვყავს და პრიორიტეტი ქალაქის ცენტრალური გზააო.
მესმის, ზამთარია, თოვს და ეს ბუნებრივიცაა, მაგრამ როცა ხელისუფლებაში ხარ, ყველაზე ცუდი ზამთრისთვის უნდა იყო მზად და შემდეგ ასეთი პრობლემების წინაშე არ იქნება მოსახლეობა.
არც გზა, არც შუქი და არც ინტერნეტი… _ აი,ესაა დღევანდელი რეალობა ჭანჭათის დარ სოფლებში“, _ წერს აკეთის თემის მცხოვრები, ვეკო წულაძე.
როგორც ირკვევა გზების გაწმენდის მხრივ პრობლემები სხვა სოფლებშიც შეინიშნება.
„გზა, რომელიც გაწმენდილია, არის ლანჩხუთი – ოზურგეთის შიდასახელმწიფოებრივი გზა, რომელსაც ცენტრალური ხელისუფლების შესაბამისი სამსახური უვლის. არცერთი შიდა სასოფლო გზა არც ეწერში, არც ჯურუყვეთში და არც ბაღლებში არავის გაუწმენდია – წერს სოციალურ ქსელში საკრებულოს ყოფილი წევრი, ამირან გიგინეიშვილი.
მას ეთანხმება საკრებულოს მოქმედი წევრი, ამ სოფლების მაჟორიტარი დეპუტატი, ელისო ჭიჭინაძე.
„მართალი ხარ, ამირან. დღეს კიდევ უფრო გაგვირთულდა სოფლებში მდგომარეობა… სასწრაფოდაა მისაღები ზომები…
