ავესტას ტრადიციის თანახმად, ახალი წელი 21 მარტს იწყება. თუ ერთი პარტნიორი ნებისმიერი წლის 21 მარტამდე დაიბადა, მეორე კი 21 მარტის შემდეგ, ასაკობრივ სხვაობას 1 წელი უნდა გამოაკლოთ. თუ ორივე პარტნიორი 21 მარტის შემდეგ დაიბადა, სხვაობა განვლილი წლებით უნდა დაითვალოთ. დაამრგვალეთ წელი, თუ პარტნიორებს შორის სხვაობა სამ თვეზე მეტი არაა. ანუ 1 წელი და 10 თვე 2 წელია, ხოლო 2 წელი და 8 თვე ისევ 2 წელი და ა.შ.
1 წელი – საუკეთესო ურთიერთობა ყალიბდება. მეუღლეები მატერიალური დოვლათის დაგროვებაში დაეხმარებიან ერთმანეთს.
2 წელი – ქორწინება საერთო ინტერესებსა და სულიერ სიძლიერეზე იქნება დაფუძნებული. ემოციური მიჯაჭვულობის დროს გრძნობები სწრაფად გადის და ქორწინება შეიძლება განქორწინებით დასრულდეს.
3 წელი – პარტნიორებს შორის მუდმივი შეჯიბრება და დაძაბულობაა. როგორც წესი, ოჯახურ სიმძიმეს ერთი პარტნიორი იღებს საკუთარ თავზე, რაც უსიამოვნების მიზეზი გხდება.
4 წელი – მეგობრობაზე დამყარებული კავშირია, შეგვიძლია, ჰარმონიული ქორწინებაც ვუწოდოთ. თუმცა, დროის გასვლის შემდეგ მეუღლეებს შორის ურთიერთობა შეიძლება დაიძაბოს.
5 და 10 წელი – მეუღლეებს შორის კარმული კავშირია, მათ ქორწინებას შემთხვევითს ვერ ვუწოდებთ. ერთად უნდა გაიარონ ცხოვრების გზაზე. ამასთანავე, ერთი ლიდერი უნდა იყოს, მეორე – მიმდევარი.
6 და 9 წელი – ურთიერთობის რთულ ფორმას იძლევა. მათი კავშირი შეიძლება დაირღვეს ინტრიგების, ბრძოლის, ნათესაური დაპირისპირებების გამო. ასეთი ქორწინება მოეწონება მათ, ვისაც მოსაწყენი ცხოვრება აქვს, მძაფრი შეგრძნებების მოყვარულებს.
7 და 14 წელი – ოჯახური ცხოვრება აღსავსეა საიდუმლოებებით, გაუგებრობებით. ვიღაც მუდმივად ჩაერევა მეუღლეების ცხოვრებაში. ასეთი ასაკობრივი სხვაობით კარგია საიდუმლო სასიყვარულო კავშირი.
8 წელი – ჰარმონიული ქორწინება და სულიერი კომფორტი. მეუღლეები ერთმანეთს სირთულეების დაძლევაში, განვითარებაში ეხმარებიან, რაც კიდევ უფრო მეტად უწყობს ხელს ჰარმონიული ქორწინების ჩამოყალიბებას.
11 წელი – ან ყველაფერი, ან არაფერი – ასეთი ფორმის ურთიერთობა ყალიბდება. მუდმივი ცვლილებები, ბრძოლა ლიდერობისთვის, დაუსრულებელი კრიტიკა ერთმანეთისადმი. თუმცა, ამ ქორწინებას კარგიც აქვს, წყვილმა ნებისმიერ დროს შეიძლება ”დაიწყოს ყველაფერი თავიდან”.
12 წელი – სირთულეები ურთიერთობაში, ერთმანეთის გაგებაში. ქორწინება შეიძლება კარგად დაიწყოს, მაგრამ კრახით დასრულდეს. მეუღლეები ხელს უშლიან ერთმანეთს განვითარებაში.
13 წელი – სულიერი, მისიონერული კავშირი შეგვიძლია ვუწოდოთ. მეუღლეების ცხოვრებაში თითქოს უხილავი ძალები ერევიან. ტრანსფორმაციის კავშირი შეიძლება დეგრადაციით ან სულიერი განვითარებით დასრულდეს.
15 წელი – ძლიერი კარმული მიზიდულობა. ერთმანეთს ვერასდროს დაშორდებიან. ან ეხმარებიან ერთმანეთს ცხოვრებისეული კრიზისის დაძლევაში, ან პირიქით, ხელს უშლიან განვითარებაში.
16 წელი – ერთმანეთისთვის “პედაგოგი-მოწაფე” არიან. მაგრამ თუ ურთიერთობა სიყვარულიდან სიძულვილში გადაიზრდება, ომი გარდაუვალია. თუ პარტნიორებს შორის დაბადების პერიოდს შორის სხვაობა 9 თვეზე ნაკლებია (9 თვეზე მეტი უკვე წელია), მეუღლეებს შორის კავშირი იქნება კონსერვატიული, უმოძრაო, მაგრამ სტაბილური.
17-წლიანი ასაკობრივი სხვაობა ისევე ყალიბდება, როგორც ერთწლიანი, 18-წლიანი, როგორც ორწლიანი და ა.შ.
ასაკობრივი სხვაობის შესახებ ფსიქოლოგები და მედიკოსებიც ბჭობენ. ფინელები მიიჩნევენ, რომ ნორმალური, ჯანმრთელი შთამომავლების დასაბადებლად მეუღლეებს შორის სხვაობა 15 წელზე ნაკლები არ უნდა იყოს. თუმცა, რეალურად, ფინეთში ასეთი ოჯახები იშვიათობაა. როგორც წესი, საშუალოდ, ქმარი ცოლზე 3 წლით უფროსია.
შვეიცარიელები ფინელებს არ ეთანხმებიან. მათი აზრით ჯანმრთელი მამაკაცი 15 წელი არ უნდა ელოდებოდეს გოგონას ოჯახისთვის მომწიფებას. მათ გამოიკვლიეს ბედნიერი ოჯახები და დაასკვნეს, რომ მეუღლეებს შორის სხვაობა ექვს წელზე მეტი არ უნდა იყოს. მათივე აზრით, ოჯახისთვის მთავარი კრიტერიული მატერიალური დოვლათია, სიყვარული კი – მეორეხარისხოვანი. ინგლისელები ასაკობრივ ზღვარს იმდენ ყურადღებას არ აქცევენ, რამდენსაც მამის ინტელექტუალურ განვითარებას. მათი კვლევით დადგინდა, რომ რაც უფრო ჭკვიანია მამაკაცი, მით ჯანმრთელი შვილები უჩნდება.
