პოლიტოლოგი ვაჟა ბერიძე ,,გურია ნიუსთან“ პრემიერ-მინისტის იმ განცახდებას გამოეხმაურა, რომელიც გიორგი კვირიკაშვილმა რუსეთის მისამართით გაავრცელა. პოლიტოლოგი ჩვენთან საუბრისას აცხადებს, რომ მიუხედავად ოკუპანტი ქვეყნის დამპყრობლური პოლიტიკისა, რუსეთთან მოლაპარაკებები სასიცოცხლოდ აუცილებელია.
,,ასეთი სახის განცხადება სიახლეა საქართველოს ხელისუფლების მხრიდან, რადგან ძირითადად, ოპოზიციის ზეწოლის გამო, ხელისუფლება აგრძელებდა აგრესიულ პოლიტიკას რუსეთის მიმართ. ვიზიარებ იმ მოსაზრებას, რომ რუსეთთან საუბარი რთული იქნება. ძალიან ძნელია ისეთ არაკონსტრუქციულ პარტნიორთან საუბარი, რომელსაც ჩვენი ტერიტორიები ოკუპირებული აქვს, მაგარამ რუსეთთან საუბარი ჩემია აზრით, საჭირო და აუცილებელია, არა მარტო ამ კონკრეტული ფაქტიდან გამომდინარე, ტატუნაშვილის მკვლელობას ვგულისხმობ, არამედ სხვა მიმართულებებითაც. რა თქმა უნდა, მოლაპარაკების მაგიდასთან რუსეთთან პირისპირ დარჩენა ძალიან რთული იქნება საქართველოსთვის, მაგარამ სჯობს, ჩვენც მივიღოთ პირდაპირ დიალოგში მონაწილეობა, ვიდრე ველოდოთ შტატებისა, ევროკავშირისა და რუსეთის მოლაპარაკებების მაგიდაზე როდის მოხვდება მნიშვნელოვანი თემების პირველ ხუთეულში საქართველოს საკითხი“, – გვითხრა ბერიძემ.
შეგახსენებთ, საქართველოს პრემიერ-მინისტრმა გიორგი კვირიკაშვილმა დღეს რუსეთის ხელისუფლებას მისამართით განცახდება გაავრცელა, რომელშიც აღნიშნულია, რომ ორმა ქვეყანამ არსებული რთული ვითარების დასაძლევად პროგრესული ნაბჯები გადადგან.
,,სამწუხაროდ, დღეს რთული რეალობის წინაშე ვდგავართ. ორმხრივი სავაჭრო-ეკონომიკური ურთიერთობები აღვადგინეთ, მაგრამ ტრაგიკული მოვლენების ჯაჭვი დღესაც გრძელდება. ეს ძირს უთხრის ქართულ-რუსულ ურთიერთობათა მოწესრიგების პერსპექტივას. ამის ბოლო ტრაგიკული მაგალითია ორი კვირის წინ ცხინვალში გაურკვეველ ვითარებაში ჩვენი მოქალაქის არჩილ ტატუნაშვილის სიკვდილი, რომლის ცხედრის გადმოცემაც კი, მიუხედავად საქართველოს ხელისუფლების, კათოლიკოს-პატრიარქისა და საერთაშორისო თანამეგობრობის არაერთი მცდელობისა, აქამდე ვერ მოხერხდა ოჯახისათვის.
მივმართავ რუსეთის ფედერაციის უმაღლეს ხელისუფლებას, რათა დღევანდელი დღისა და მომავალი თაობების წინაშე პასუხისმგებლობის გაცნობიერებით, გადავდგათ ერთობლივი ნაბიჯები აღნიშნული რთული ვითარების დასაძლევად“, _ აღნიშნულია პრემიერ-მინისტრის განცხადებაში.
