აშშ-ის კონგრესის წარმომადგენელთა პალატამ რეზოლუცია მიიღო, რომელშიც ბელარუსის ხელისუფლებას ახალი არჩევნების ჩატარებისკენ მოუწოდებს, _ ამის შესახებ ინფორმაციას dw.com ავრცელებს.
როგორც გამოცემა წერს, რეზოლუციაში აღნიშნულია, რომ 2020 წლის 9 აგვისტოს გამართული საპრეზიდენტო არჩევნები თავისუფალი და სამართლიანი არ იყო, ხოლო არჩევნების შემდგომმა პროტესტმა ბელარუსების დემოკრატიული საზოგადოებისკენ სწრაფვა ცხადყო.
წარმომადგენელთა პალატის წევრები ალექსანდრე ლუკაშენკოს ოპოზიციასთან დიალოგისკენ მოუწოდებენ, ხოლო ოპოზიციის საკოორდინაციო საბჭოს ლეგიტიმურ ინსტიტუტად მიიჩნევენ.
კონგრესმენები ხაზგასმით აღნიშნავენ, რომ ბელარუსში ახალი საპრეზიდენტო არჩევნები ეუთოს დამკვირვებლობის ქვეშ უნდა გაიმართოს.
,,რეზოლუცია აფიქსირებს კონგრესის შეფასებას ბელორუსში არსებული ვითარების შესახებ: 2020 წლის 9 აგვისტოს არჩევნები აღიარებულია როგორც არაკეთილსინდისიერი და უსამართლო, არჩევნების შემდეგ ჩატარებულმა პროტესტმა აჩვენა ბელორუსების დემოკრატიული საზოგადოებისკენ სწრაფვა, ხოლო ბელორუსის ხელისუფლებამ თვითნებურად დააკავა და სასტიკად სცემეს დემონსტრანტებს, დევნიდნენ ოპოზიციის ლიდერებსა და სამოქალაქო აქტივისტებს … კონგრესმენებმა აღნიშნეს, რომ მშვიდობიანი საპროტესტო აქციების გამო დაკავებულთა წამების, სექსუალური ძალადობისა და არასათანადო მოპყრობის შესახებ ასობით ინფორმაცია დასტურდება და ”ათასობით ბელორუსი გაიქცა მეზობელ ქვეყნებში პოლიტიკური თავშესაფრის ძიებაში”.
კონგრესი ითხოვს ახალი არჩევნების ჩატარებას.
წარმომადგენელთა პალატის წევრები ლუკაშენკოს და ბელორუსის მთავრობას ოპოზიციასთან დიალოგისკენ მოუწოდებენ. ამავე დროს, ისინი მოუწოდებენ სვეტლანა ტიხანოვსკაიას მიერ შექმნილ საკოორდინაციო საბჭოს, ლეგიტიმურ ინსტიტუტს, რომელიც მონაწილეობს ხელისუფლების მშვიდობიანი გადაცემის შესახებ დიალოგში. ახალ არჩევნებზე, როგორც რეზოლუციაშია ნათქვამი, უნდა ევალებოდეს ეუთო.“ – წერია რეზოლუციაში.
