აშშ-ს სახაზინო დეპარტამენტმა Wagner PMC-ს, რუსი ბიზნესმენის ევგენი პრიგოჟინის ხელმძღვანელობით, ტრანსნაციონალურ კრიმინალურ ორგანიზაციად გამოაცხადა და მასთან დაკავშირებული რიგი კომპანიებისა და ფიზიკური პირების წინააღმდეგ სანქციები დააწესა. – ამის შესახებ BBC წერს.
ფინანსთა სამინისტროს დღეს, 27 ნოემბერს გამოქვეყნებულ სიაში ექვსი ფიზიკური პირი და 12 კომპანია შედის. უწყების განცხადებაში ნათქვამია, რომ ვაგნერის თანამშრომლები მუდმივად არიან ჩართულნი სახიფათო კრიმინალურ ქმედებებში – “მათ შორის მასობრივი სიკვდილით დასჯა, გაუპატიურება, ბავშვების გატაცება და ფიზიკური შეურაცხყოფა ცენტრალური აფრიკის რესპუბლიკასა და მალიში”.
„კრემლი უიმედოდ ეძებს იარაღს და მხარდაჭერას, მათ შორის არაადამიანური ვაგნერის ჯგუფის მეშვეობით, რათა გააგრძელოს უსამართლო ომი უკრაინის წინააღმდეგ.
დღევანდელი გაფართოებული სანქციები ვაგნერის PMC-ებზე, ისევე როგორც ახალი სანქციები მათ თანამოაზრეებზე და სხვა კომპანიებზე, რომლებიც მხარს უჭერენ რუსეთის სამხედრო კომპლექსს, ხელს შეუშლის პუტინის საბრძოლო მანქანის შეიარაღებას და აღჭურვას“, _ განაცხადა აშშ-ს ფინანსთა მდივანმა ჯანეტ იელენმა დეპარტამენტის გადაწყვეტილებაზე.
PMC „ვაგნერის“ და მასთან დაკავშირებული ჯგუფების წინააღმდეგ სანქციების გაფართოების შესახებ გასულ კვირას განაცხადა თეთრ სახლში ეროვნული უშიშროების საბჭოს წარმომადგენელმა ჯონ კირბიმ.
“Wagner PMC სჩადის სასტიკ დანაშაულს და არღვევს ადამიანის უფლებებს უკრაინაში და სხვაგან. ჩვენ დაუღალავად ვიმუშავებთ, რათა გამოვავლინოთ, გამოვამჟღავნოთ და გავასამართლოთ ისინი, ვინც დახმარებას უწევს ვაგნერს”, – თქვა კირბიმ.
ავტორი
