,,რუსეთის პრეზიდენტის გუშინდელი გამოსვლა იყო თავდასხმა სუვერენული და დამოუკიდებელი უკრაინის იდეაზე“, – წერია თეთრი სახლის განცხადებაში.
თეთრი სახლის ცნობით, ბაიდენმა მკაცრად დაგმო პუტინის გადაწყვეტილება:
“რუსეთის პრეზიდენტის გუშინდელი გამოსვლა იყო თავდასხმა სუვერენული და დამოუკიდებელი უკრაინის იდეაზე. ყველა ამ მოწოდებაში პრეზიდენტმა მკაცრად დაგმო პრეზიდენტ პუტინის გადაწყვეტილება ე.წ დონეცკის და ლუგანსკის სახალხო რესპუბლიკების აღიარების შესახებ. ჩვენ გავაგრძელებთ კონსულტაციებს ჩვენს მოკავშირეებთან და პარტნიორებთან, როგორც საკითხის დიპლომატიური გადაწყვეტის, ასევე იმ შედეგების შესახებ, რომლებსაც რუსეთს დავაკისრებთ, თუ ის შემდგომ შეიჭრება უკრაინაში.
რუსეთი აგრძელებს ამ კრიზისის ესკალაციას, რომელიც, პირველ რიგში, მან შექმნა. ჩვენ გავაგრძელებთ დიპლომატიის გატარებას ტანკების გაშვებამდე, მაგრამ ჩვენ არ გვაქვს ილუზიები იმის შესახებ, თუ რა იქნება მომავალში. ჩვენ მზად ვართ გადამწყვეტად ვუპასუხოთ, როცა ეს მოხდება” , – წერია თეთრი სახლის განცხადებაში.
განცხადებაში, ასევე აღნიშნულია, რომ პუტინის მიერ უკრაინის ოკუპირებული ტერიტორიების აღიარების შემდეგ ჯო ბაიდენი ჯერ ზელენსკის ესაუბრა, შემდეგ კი ერთობლივი სატელეფონო საუბარი შედგა მაკრონთან და კანცლერ შოლცთან.
ცნობისთვის, 21 თებერვალს რუსეთის ფედერაციის პრეზიდენტმა, ვლადიმირ პუტინმა აღიარა უკრაინის ოკუპირებული ტერიტორიების, ე.წ. დონეცკისა და ლუგანსკის სახალხო რესპუბლიკების დამოუკიდებლობა.
[sexy_author_bio]
