ამერიკულმა გამოცემამ, New York Times-მა გამოაქვეყნა გაეროში აშშ-ის ელჩის, ბატშება კროკერის მიერ გაერო-ს ადამიანის უფლებათა კომისიის ხელმძღვანელის, მიშელ ბაჩელეტისთვის მიწერილ წერილში.
წერილში ნათქვამია, რომ რუსეთი იმ უკრაინელების სიებს ადგენს, რომლებსაც სამხედრო ოკუპაციის შემდეგ მოკლავენ ან ბანაკებში გაგზავნიან და ამას რუსეთი უკრაინაში შეჭრისა და სამხედრო ოკუპაციის შემდეგ აპირებს.
წერილის მიხედვით, რუსეთი გეგმავს ადამიანის უფლებათა ფართომასშტაბიან დარღვევებს და აპირებენ კონკრეტული სამიზნე პირების გატაცებას, მკვლელობასა და წამებას.
„მსურს თქვენი ყურადღება გავამახვილო შეერთებული შტატების მიერ ახლახან მოპოვებულ შემაშფოთებელ ინფორმაციაზე, რომელიც მიუთითებს იმაზე, რომ დაგეგმილია ადამიანის უფლებების დარღვევა უკრაინაში შეჭრის შემდეგ. ეს ქმედებები, რომელიც რუსეთის წარსულ ოპერაციებში მოიცავდა მიზანმიმართულ მკვლელობებს, გატაცებებს/იძულებით გაუჩინარებას, უსამართლო დაკავებებსა და წამების გამოყენებას, სავარაუდოდ გამიზნული იქნება მათ მიმართ, ვინც რუსეთის ქმედებებს ეწინააღმდეგება,“ – ნათქვამია აშშ-ის ელჩის მიერ გაეროს ადამიანის უფლებათა უმაღლესი კომისრისთვის გაგზავნილ წერილში.
იდენტიფიცირებულ სამიზნეებს შორის უკრაინაში მყოფო რუსი და ბელარუსი დისიდენტები არიან.
წერილში, ასევე აღნიშნულია, რომ რუსეთის სამიზნეები შესაძლოა გახდნენ ის პირები, რომლებიც შეეწინააღმდეგებიან მათ ქმედებებს, ასევე უკრაინელი ჟურნალისტები, ანტიკორუფციული აქტივისტები, უკრაინაში მცხოვრები ბელარუსი და რუსი დისიდენტები, ეთნიკური და სექსუალური უმცირესობების წარმომადგენლები.
„კერძოდ, ჩვენ გვაქვს სანდო ინფორმაცია, რომელიც მიუთითებს იმაზე, რომ რუსული ძალები უკრაინელების სიებს ქმნიან, რომლებსაც სამხედრო ოკუპაციის შემდეგ მოკლავენ ან ბანაკებში გაგზავნიან. ჩვენ ასევე გვაქვს სანდო ინფორმაცია, რომ რუსული ძალები გამოიყენებენ ლეტალურ ზომებს მშვიდობიანი საპროტესტო აქციების დასაშლელად“ ,- აღნიშნულია წერილში.
ცნობისთვის, 18 თებერვალს გამოცემა Foreign Policy საკუთარ წყაროებზე დაყრდნობით წერდა, რომ აშშ-ს ოფიციალურ პირთა ცნობით, არსებობდა რუსეთის მიერ შედეგნილი მსგავსი სიები.
[sexy_author_bio]
