ამერიკის 46-ე პრეზიდენტს მსოფლიო ლიდერები, ინაუგურაციას ულოცავენ, რომლის ცერემონიალი 20 იანვარს კაპიტოლიუმის შენობის წინ გაიმართა.
გერმანიის კანცლერმა, ანგელა მერკელის თქმით, ეს ინაუგურაცია ამერიკული დემოკრატიის ნამდვილი ზეიმი იყო.
„გულითადად ვულოცავ ინაუგურაციას ჯო ბაიდენსა და კამალა ჰარისს. გერმანულ-ამერიკულ მეგობრობასა და თანამშრომლობაში ახალ თავს ველოდები“, – განაცხადა გერმანიის კანცლერმა.
დიდი ბრიტანეთის პრემიერ-მინისტრი, ბორის ჯონსონი ჯო ბაიდენი მილოცვის ტექსტში აღნიშნავს, რომ ამერიკის ლიდერობა სასიცოცხლოდ მნიშვნელოვანია იმ საკითხებზე, რომელიც მათვის მნიშვნელოვანია.
„ვულოცავ ჯო ბაიდენს შეერთებული შტატების პრეზიდენტად ფიცის დადებას, ხოლო კამალა ჰარისს ისტორიულ ინაუგურაციას. ამერიკის ლიდერობა სასიცოცხლოდ მნიშვნელოვანია იმ საკითხებზე, რომელიც ჩვენთვის მნიშვნელოვანია, კლიმატის ცვლილებიდან დაწყებული კორონავირუსით დამთავრებული. პრეზიდენტ ბაიდენთან მუშაობას მოველი“, – დაწერა ბორის ჯონსონმა Twitter-ზე.
ასევე ჯო ბაიდენს ინაუგურაციას უცოლაცს, საფრანგეთის პრეზიდენტი, ემანუელ მაკრონიც, მან მილოცვის ტექსტში აღნიშნა, რომ ,,კეთილი იყოს თქვენი დაბრუნება პარიზის შეთანხმებაში!“
„ჯო ბაიდენსა და კამალა ჰარისს საუკეთესო სურვილებით მივმართავ ამერიკელი ხალხისთვის ამ ყველაზე მნიშვნელოვან დღეს! ჩვენ ერთად ვართ. ჩვენ უფრო ძლიერნი ვიქნებით ჩვენი დროის გამოწვევების წინაშე. უფრო ძლიერნი ვიქნებით ჩვენი მომავლის შესაქმნელად, ჩვენი პლანეტის დასაცავად. კეთილი იყოს თქვენი დაბრუნება პარიზის შეთანხმებაში!“ – დაწერა ემანუელ მაკრონმა Twitter-ზე.
ჯო ბაიდენს ულოცავს, ნატოს გენერალური მდივანი, იენს სტოლტენბერგი, რომლის თქმით, ძლიერი ნატო კარგია, როგორც ჩრდილოეთ ამერიკისთვის, ასევე ევროპისთვის.
„ვულოცავ ჯო ბაიდენს ინაუგურაციის დღეს. ძლიერი ნატო კარგია, როგორც ჩრდილოეთ ამერიკისთვის, ასევე ევროპისთვის, ვინაიდან არცერთ ჩვენგანს არ შეუძლია გამოწვევებს მარტო გაუმკლავდეს. დღეს ახალი თავის დასაწყისია და ჩვენს მჭიდრო თანამშრომლობას ველოდები!“ – დაწერა იენს სტოლტენბერგმა Twitter-ზე.
ბაიდენის გაპრეზიდენტებას ეხმიანება, ასევე საქართველოს პრემიერ-მინისტრი, გიორგი გახარიაც, რომელმაც აღნიშნა, რომ მადლიერები ვართ წლების განმავლობაში სტრატეგიულ პარტნიორობაში მისი პირველობისთვის.
“ვულოცავ ჯო ბაიდენის 46-ე პრეზიდენტობას. მადლიერები ვართ წლების განმავლობაში სტრატეგიულ პარტნიორობაში თქვენი პირველობისთვის. მოუთმენლად ველით თანამშრომლობის გაძლიერების მომდევნო ეტაპს, მსოფლიოში დემოკრატიისა და თავისუფლების დაცვას”, – წერს გახარია ტვიტერზე.
ტვიტს ავრცელებს ევროკომისიის პრეზიდენტი, ურსულა ფონ დერ ლეიენიც სადაც ბიდენს მადლობას უხდის თანამშრომლობის შეთავზებისთვის
“ვულოცავთ ჯო ბაიდენსა და ამერიკის ისტორიაში პირველ ქალ ვიცეპრეზიდენტ კამალა ჰარისს. მადლობას გიხდით შთამაგონებელი საინაუგურაციო მიმართვისა და თანამშრომლობის შემოთავაზებისთვის. ევროპა მზადაა ახლიდან დასაწყებად” – წერს ლეიენი.
ასევე ბაიდენს ულოცავს, აშშ-ის ყოფილი სახელმწიფო მდივანი, ჰილარი კლინტონი, რომელიც ინაუგურაციასაც დაესწრო ქმართან ერთად.
“ვულოცავ ჯო ბაიდენსა და კამალა ჰარისს! დემოკრატიის დაცვა და ხელშეწყობა ახალი ტრანსატლანტიკური თანამშრომლობის სტრატეგიული პრიორიტეტი უნდა იყოს. ევროკავშირის მომავლის გარდა, ჩვენ გვჭირდება ბჭობა დემოკრატიის მომავალზე”- წერს კუბილიუსი.
ჯო ბაიდენს ინაუგურაციას, ასევე ულოცავენ აშშ ყოფილი პრეზიდენტები
ყოფილი პრეზიდენტი, ბარაკ ობამა Twitter – ზე წერს.
„ვულოცავ ჩემს მეგობარს, პრეზიდენტ ჯო ბაიდენს. შენი დრო დადგა“, – დაწერა ბარაკ ობამამ.აშშ-ს ყოფილი პრეზიდენტი ჯორჯ ბუშმა მილოცვის ტექსტში აღნიშნავს, რომ როცა მშვიდობიანი გადაბარებაზე ვსაუბრობთ, ჩვენი ქვეყნის ინსტიტუციონალურ მთლიანობაზე მეტყველებს.
„ის ფაქტი, რომ სამი ჩვენგანი ერთად ვდგავართ და ხელისუფლების მშვიდობიან გადაბარებაზე ვსაუბრობთ, ჩვენი ქვეყნის ინსტიტუციონალურ მთლიანობაზე მეტყველებს. ამერიკა დიდსულოვანი ქვეყანაა, ამერიკელები დიდი გულის მქონე ხალხია. სამივეს გაგვიმართლა, რომ ამ ქვეყნის პრეზიდენტები ვიყავით,” – აღნიშნა ჯორჯ ბუშმა ჯო ბაიდენის ინაუგურაციის შემდეგ გამართული ღონისძიების დროს.
მან ახალ პრეზიდენტს ჯო ბაიდენს წარმატებები უსურვა.
„ბატონო პრეზიდენტო, თქვენი წარმატების იმედი მაქვს. თქვენი წარმატება ჩვენი ქვეყნის წარმატებაა. ღმერთმა დაგლოცოთ,“ – განაცხადა აშშ-ის ყოფილმა პრეზიდენტმა.
ასევე ბაიდენს ულოცავს, აშშ-ის ყოფილი სახელმწიფო მდივანი, ჰილარი კლინტონი, რომელიც ინაუგურაციასაც დაესწრო ქმართან ერთად.
“საპატიოა, რომ დღეს ისტორიის მოწმე ვარ. ღმერთმა დალოცოს ჯო ბაიდენი და კამალა ჰარისი, რომელთაც უნდა გადააგორებინონ ერს ეს დრო. ყველამ აღვასრულოთ ჩვენი მოქალაქეობრივი მოვალეობა, რათა დავეხმაროთ ჩვენს ქვეყანასა და ამერიკელ თანამემამულეებს გამოწვევების წინაშე”, – წერს კლინტონი.
რესპუბლიკელი, ადამ კინზინგერი წერს, რომ ამერიკული დემოკრატია გამძლეა.
“ძალაუფლების მშვიდობიანად გადაცემა 2 კვირის წინ საფრთხის წინაშე დადგა. მიუხედავად იმისა, რომ ვაწყდებით გამომწვევ პერიოდებს, ჩვენი დემოკრატია გამძლეა. სოფია და მე გულწრფელად ვულოცავთ პრეზიდენტ ბაიდენსა და მის ადმინისტრაციას”, – წერია კინზინგერის ტვიტში.
საქართველოს მესამე პრეზიდენტი, მიხეილ სააკაშვილი, ინაუგურაციის დღეს Facebook-ით ეხმიანება.
“1990-იანებიდან – 20 წელზე მეტი ხნის ძველ მეგობარს, პრეზიდენტ ჯო ბაიდენს, ვულოცავ ინაუგურაციას, ვუსურვებ წარმატებებს მას და თავისუფალ სამყაროს”, – წერს სააკაშვილი.
საქართველოში ამერიკის ყოფილი ელჩი, იან კელი ტვიტერზე წერს:
“ჯო ბაიდენი ამერიკას ამერიკად აქცევს”, – წერია კელის ტვიტში.
