აშშ-ს პრეზიდენტმა ჯო ბაიდენმა დაასრულა სამუშაო ვიზიტი უკრაინაში და უკვე დატოვა კიევი.
მოულოდნელი ვიზიტი ხანმოკლე იყო და დაახლოებით ხუთ საათს გაგრძელდა. ბაიდენი უკრაინის დედაქალაქში, ადგილობრივი დროით დილის 8 საათზე ჩავიდა. ამერიკის პრეზიდენტის ევროპული ტურნე სამუშაო კვირის ბოლომდე გაგრძელდება.
ამ რამდენიმე საათის განმავლობაში ბაიდენიპრეზიდენტ ზელენსკისთან შეხვედრა და მასთან ერთად გასეირნება კიევის ცენტრში, სადაც ბაიდენმა კვლავ დაჰპირდა უკრაინის მხარდაჭერა “იმდენ ხანს, რამდენიც დასჭირდება”.
„ჩემთვის ძალიან მნიშვნელოვანია, რომ ამ საკითხში – შეერთებული შტატების მიერ უკრაინის სამხედრო მხარდაჭერის შესახებ ეჭვი არავის ეპარება“, – ციტირებს Associated Press-ს ამერიკის პრეზიდენტის სიტყვებს.
ბაიდენმა, ასევე გამოაცხადა კიევისთვის სამხედრო დახმარების ახალი ტრანში, კიდევ 500 მილიონი აშშ დოლარი, რადგან „სასტიკი და უსამართლო ომი“, პრეზიდენტის თქმით, ჯერ კიდევ შორს არის მოგებისგან.
“ჩვენ ვიცით, რომ წინ ძალიან რთული დღეები, კვირები და წლები გველის. მაგრამ რუსეთმა თავის მიზნად დაისახა უკრაინის წაშლა მსოფლიო რუკიდან. და პუტინის დაპყრობითი ომი მარცხდება”, – თქვა ბაიდენმა
აშშ-ის ეროვნული უსაფრთხოების საკითხებში მრჩეველმა ჯეიკ სალივანმა განაცხადა, რომ თეთრმა სახლმა შეატყობინა რუსეთს ბაიდენის კიევში ვიზიტის შესახებ აშშ-ის პრეზიდენტის კიევში ჩასვლამდე რამდენიმე საათით ადრე.
AP-ის ცნობით, ეს გაკეთდა იმისთვის, რომ თავიდან ავიცილოთ რაიმე არასწორი გათვლები, რამაც შეიძლება გამოიწვიოს კონფლიქტი ორ ბირთვულ ძალას შორის.
ავტორი
