აშშ-ს სურსათისა და წამლების ადმინისტრაციამ დაამტკიცა ვაქცინა რესპირატორული სინციტიური ვირუსის (RSV) წინააღმდეგ – დაავადების, რომელიც ყოველწლიურად ათასობით ამერიკელს კლავს.
საზოგადოებაში გავრცელებამდე ვაქცინას ჯერ კიდევ სჭირდება დამტკიცება აშშ-ს დაავადებათა კონტროლისა და პრევენციის ცენტრებიდან.
ოფიციალური პირები ამბობენ, რომ ვაქცინა, სახელად Arexvy, რომლის მწარმოებელიცაა GSK, არის მნიშვნელოვანი მიღწევა, რომელიც გადაარჩენს ბევრ სიცოცხლეს.
როგორც ცნობილია, პრეპარატი მზადდებოდა 60 წელზე მეტი ხნის განმავლობაში და პირველია, რომელმაც მოიპოვა დამტკიცება RSV-ის თავიდან ასაცილებლად მსოფლიოს ნებისმიერ წერტილში.
ბრიტანეთში დაფუძნებული ფირმის GSK-ის კვლევამ, რომელიც გამოქვეყნდა თებერვალში, აჩვენა ვაქცინის ეფექტურობა 82,6%.
გვერდითი მოვლენები ძირითადად იყო „მსუბუქი ან ზომიერი“ და დასრულდა ორი დღის განმავლობაში. ყველაზე გავრცელებულია ტკივილი ინექციის ადგილის ირგვლივ ან დაღლილობა.
