როგორც უკვე ვწერდით, დღეს, 18 იანვარს, ბათუმში, ზღვამ მამაკაცის ცხედარი გამორიყა.
“გურია ნიუსისთვის” დამატებითი დეტალები ხდება ცნობილი _ როგორც წყარო გვიყვება, მამაკაცს ოჯახი და პოლიცია, დაახლოებით, ათი დღის განმავლობაში ეძებდა. გარდაცვლილი 50 წლამდე ასაკისაა. სახელსა და გვარს ამ ეტაპზე, შეგნებულად არ ვასაჯაროებთ.
“ათი დღე ეძებდნენ. დღეს ზღვამ გამორიყა. მომხდარზე დაწყებულია გამოძიება”,- გვეუბნება წყარო.
“გურია ნიუსი” შინაგან საქმეთა სამინისტროს დაუკავშირდა. როგორც უწყების პრესსამსახურში განგვიცხადეს, ფაქტთან დაკავშირებით გამოძიება სისხლის სამართლის კოდექსის 143-ე მუხლით დაიწყო, რაც თავისუფლების უკანონო აღკვეთას გულისხმობს.
