ბათუმში, ფრიდონ ხალვაშის ქუჩაზე მსუბუქი ავტომანქანა ქვეითს დაეჯახა. ინფორმაციას “ბათუმელები” ავრცელებს.
გავრცელებული ინფორმაციით, შემთხვევა წუხელ, 31 ოქტომბერს მოხდა.
დაშავებული ქალი კლინიკა BMC-შია მოთავსებული. კლინიკის პრესცენტრის ინფორმაციით, პაციენტის მდგომარეობა მძიმეა, მას მრავლობითი მოტეხილობები აქვს და რეანიმაციაში მართვით სუნთქვაზეა.
შინაგან საქმეთა სამინისტროს პრესცენტრის ინფორმაციით, გამოძიება დაწყებულია სისხლის სამართლის კოდექსის 276-ე მუხლის შესაბამისად, რაც ტრანსპორტის მოძრაობის უსაფრთხოების, ან ექსპლუატაციის წესის დარღვევას გულისხმობს.
