ბაკურიანის შესასვლელთან ავტოსაგზაო შემთხვევა მოხდა. ინფორმაციას მომხდარის შესახებ ტელეკომპანია “ბორჯომი” ავრცელებს.
მაუწყებლის ინფორმაციით, თვითმხილველები ამბობენ, რომ მსუბუქი ავტომობილი იქვე არსებულ ბოძს შეეჯახა. მსუბუქად დაშავდა 3 ადამიანი. ისინი სამედიცინო ცენტრში გადაიყვანეს.
შინაგან საქმეთა სამინისტროში “ბორჯომი. ტვ”-ს განუცხადეს, რომ მომხდარის შესახებ გამოძიება სსკ 276-ე მუხლით დაიწყო, რაც ტრანსპორტის მოძრაობის უსაფრთხოების ან ექსპლუატაციის წესის დარღვევას გულისხმობს.
