რამდენიმე წუთის წინ ავტოსაგზაო შემთხვევა მოხდა ოზურგეთის მუნიციპალიტეტის სოფელ ნასაკირალის უღელტეხილზე. როგორც გურია ნიუსს აცნობეს ტრაილერი გზის სავალი ნაწილიდან გადავიდა და ხრამში გადავარდა. როგორც გვითხრეს, მძღოლმა მანქანიდან გადახტომა მოასწრო.
ჩვენი ინფორმაცით, დაშავებულია ერთი ადამიანი, რომელიც ოზურგეთის სამედიცინო ცენტრ მედალფაშია გადაყვანილი და უტარდება სამედიცინო გამოკვლევები. ოზურგეთის სამედიცინო ცენტრის დირექტორის, დავით მდინარაძის თქმით, დაშავებულის მდგომარეობა საშუალო სიმძიმისაა.
შსს პრესსამსახურის მიერ მოწოდებული ინფორმაციით, გამოძიება მიმდინარეობს სისხლის სამართლის კოდექსის 276 მუხლის პირველი ნაწილით, რაც გულისხმობს ტრანსპორტის მოძრაობის უსაფრთხოების ან ექსპლუატაციის წესის დარღვევა, რამაც გამოიწვია ადამიანის ჯანმრთელობის დაზიანება.
