დღეიდან ავსტრიის მცხოვრებლებს მაღაზიებსა და საზოგადოებრივ ტრანსპორტში პირბადეების ნაცვლად FFP2 კლასის რესპირატორები უნდა ეკეთოთ. ამის შესახებ ქვეყნის კანცლერმა სებასტიან კურცმა განაცხადა, _ ინფორმაციას bundeskanzleram ავრცელებს.
“სწორედ ამიტომ ჩვენ ერთად გადავწყვიტეთ, რომ გარკვეული ცვლილებები უნდა შეგვეტანა ინფექციის მუტაციების მაღალი რისკის გამო. გამკაცრებულია დისტანციის წესები, 1-დან 2 მ-მდე. ჩვენ, ასევე ჩვენ ვურჩევთ მოსახლეობას, გამოიყენონ FFP2 ნიღაბი პირის ღრუს და ცხვირის დასაცავად, რომელიც 25 იანვრიდან, FFP2 ნიღაბი სავალდებულო იქნება გარკვეულ ადგილებში, მაგალითად, საზოგადოებრივ ტრანსპორტში და საცალო ვაჭრობაში“, – აცხადებს კანცლერი.
მანამდე, ახალი რეგულაციის შესახებ ავსტრიის ჯანდაცვის მინისტრმა ისაუბრა. რუდოლფ ანშობერის თქმით, მაღალი ხარისხის რესპირატორები პირბადეებზე გაცილებით ძვირია, თუმცა, ხელისუფლება უზრუნველყოფს, რომ მოსახლეობამ ისინი დაბალ ფასად მიიღოს.
“FFP2 ნიღაბი დაახლოებით 92 პროცენტიანი ეფექტის გამო, ბევრად უფრო გვიცავს. ეს ნიღაბი ხელმისაწვდომი იქნება სუპერმარკეტებში თვითღირებულების ფასში. და ის ხელმისაწვდომი იქნება ყველა სოციალურ მდგომარეობაში მყოფი ადამიანისთვის”, – განაცხადა რუდოლფ ანშობერმა.
როგორც Bundeskanzleramt წერს, რესპირატორი ავსტრიაში, სავარაუდოდ, 1 ევრო ეღირება. ასევე, გამოცემა წერს, რომ ავსტრიაში შეზღუდვები 8 თებერვლამდე გაგრძელდება.
