“ერთიანობა – ნაციონალური მოძრაობის” ოზურგეთის ორგანიზაციის ხელმძღვანელის, დათო მჟავანაძის ინფორმაციით, ჩოხატაურის მერის თანაშემწე, თამთა სააკაშვილი სწორედ ის პირია, რომელიც ბახმაროში უკანონოდ აშენებულ სახლს კოლოსალურ ფასად აქირავებს.
„ჩვენ ვიმყოფებით კურორტ ბახმაროში, გურიის ერთ-ერთ ყველაზე ლამაზ ადგილზე, ადგილზე, რომელსაც აქვს განვითარების უდიდესი პოტენციალი, მაგრამ ნაცვლად იმისა, ხელისუფლებამ აიღოს საკუთარ თავზე პასუხისმგებლობა და დაიწყოს მსჯელობა საკუთარი დანაშაულის გამოსასწორებლად და დაუმტკიცოს ადამიანებს წარსულში უკანონოდ აშენებული სახლები. ამაზე დაიწყოს მსჯელობა, შემდეგში, რომ არ მოხდეს იგივე ფაქტი კანონის ფარგლებში მოახდინოს ბახმაროში მიწების ლეგალიზება. ეს ადგილო ჩატოვეს ჭაობში, კორუფციის ჭაობში. ამ ყველაფრის უკან დგას რუსულ კანონზე ხელის მომწერი ვასილ ჩიგოგიძე. ეს არის ის ადამიანი, რომელიც მფარველობს ყველა იმ უკანონობას, რომელიც მიმდინარეობს ბახმაროში. მერიის თანამშრომლები, ჩიგოგიძის ბიუროს ხელმძღვანელები, ხელმძღვანელობენ უკანონო მშენებლობას. მათ შავ ბაზარზე გასხვისებული აქვთ ეს ქონება და აქირავებენ, მაშინ როდესაც ადამიანებს ლუკმა პურისთვის უწევთ ბრძოლა. მერის მოადგილე თამთა სააკაშვილი დღეში 200 ლარად სახელმწიფო ქონებას აქირავებს ასევე, სოფო ჯინჭარაძე, რომელიც არის ბიუროს ხელმძღვანელი ის ასევე აქირავებს. ეს ადამიანები ამ ყველაფერს აკეთებენ ჩიგოგიძის და დავით შარაშიძის მფარველობით. ამ ყველაფერს არც მალავენ. პოლონურ საიტს სარგებლობენ, იმისათვის რომ მოხდეს უკანონო ვაჭრობა, ამ ყველაფერს აკეთებენ მერის მფარველობის ქვეშ. ყველანაირი უკანონობის და უმსგავსობის უკან დგას ჩიგოგიძე. მას ჰგონია, რომ არის მინი ოლიგარქი, მას ჰქონია, რომ აქვს ყველაფრის უფლება. მის გარემოცვას უწყობს ხელს დანაშაულებრივი ქმედების ჩადენაში”, – განაცხადა დავით მჟავანაძემ.
ინფორმაციისთვის, მჟავანაძის ამ განცადებას “ერთიანი ნაციონალური მოძრაობის” პრესსამსახური ავრცელებს.
“გურია ნიუსი” თემაზე მუშაობს და რას პასუხობენ მჟავანაძის ბრალდებას ჩოხატაურის მერიაში, კომენტარს აღნიშნულ საკითხზე მიღებისთანავე შემოგთავაზებთ.
