| ბახვი ჰესის ვიდეო სიუჟეტების სერიის ფარგლებში, წარმოგიდგენთ სიუჟეტს, სადაც მაყურებელი ნახავს თუ რა სტანდარტით, როგორი ენთუზიაზმითა და თავდადებით შენდება ბახვი ჰესის პროექტი.
ბახვი ჰესი მოიცავს საშუალო და მცირე ზომის სამ ჰიდროელექტროსადგურს – ბახვი 1, ბახვი 2ა და ბახვი 2ბ. პროექტი ხორციელდება მდინარე ბახვისწყლის ხეობაში, ოზურგეთის მუნიციპალიტეტის ტერიტორიაზე. მშენებლობის პერიოდი 2021 – 2026 წლები. მშენებლობაზე დასაქმებულების 37% ადგილობრივი მასახლეობაა, საიდანაც 34%-ს ქალბატონები შეადგენენ. „ბახვი ჰესის მშენებლობა დასასრულს მიუახლოვდა. დღეს, ჩვენ თავისუფლად შეგვიძია ვთქვათ, რომ ჩვენ შევასრულეთ დანაპირები და ადგილობრივ მოსახლეობასთან ერთად ავაშენეთ მაღალი სტანდარტის ჰიდროელექტროსადგურები. დარწმუნებული ვარ, პროექტი საამაყო იქნება ყველა იმ ადამიანისთვის, ვინც პირდაპირ თუ ირიბად, მონაწილეობას იღებდა მის განხორციელებაში. მე ვგულისხმობ, როგორც მშენებლობაზე პირდაპირ დასაქმებულებს, ასევე, ბახვი ჰესის მრჩეველთა საბჭოს წევრებს, ადამიანებს, რომლებმაც უანგაროდ გაიღეს ყველაზე ძვირფასი, საკუთარი დრო, ბახვი ჰესის პროექტისთვის. ამ გზაზე ცხადია, იყო გამოწვევებიც, თუმცა დღეს ვიტყვი, რომ სწორედ ეს გამოწვევები ხდის პროექტს საინტერესოს“ – ამბობს, ჩვენთან საუბარში გიორგი აბრამიშვილი, ბახვი ჰესის დირექტორი. |
Developed By Web Features 2026 © All rights reserved