ბახვი ჰესი – საერთაშორისო ექსპერტიზის მნიშვნელობა

 გარემოსდაცვითი და სოციალური საკითხების საერთაშორისო ექსპერტი პიერ ბიდერმანი, ჩვენთან ინტერვიუში საუბრობს, თუ რატომაა მნიშვნელოვანი საერთაშორისო ექსპერტების ჩართვა ადგილობრივ პროექტებში, რა არის მათი როლი და ფუნქცია.

„საერთაშორისო კონსულტანტებს მაშინ რთავ პროცესში, როცა საჭიროა ცოდნა, გამოცდილება და უნარები, რომლებიც ადგილობრივად ხელმისაწვდომი არ არის და როცა საერთაშორისო სტანდარტებით მშენებლობაა მიზანი.

ბახვი ჰესის პროექტმა საერთაშორისო კონსულტანტები ჩართო ბიომრავალფეროვნების კვლევებში, რადგან ბახვი ჰესის გუნდის მიზანი საქმის მაღალი სტანდარტიდ გაკეთება იყო, რაც გარანტირებული იქნებოდა საერთაშორისო საფინანსო კორპორაციის სტანდარტების დაცვით.

გარდა ამისა, საერთაშორისო სპეციალისტები ჩაერთვნენ იმ საკითხებში, რომლებიც ადგილობრივმა საზოგადოებამ დააყენა დღის წესრიგში და ეს იყო კუმულაციური ზემოქმედებისა და კლიმატის კვლევების ჩატარება გამოცდილი, მაღალი რეპუტაციისა და სანდოობის მქონე მკვლევარების მიერ.

მოსახლეობის ერთ-ერთი მთავარი შიში უკავშირდებოდა ბახმაროს კურორტის ჰავაზე პროექტის შესაძლო ზემოქმედებას. საერთაშორისო ექსპერტების მიერ დამატებითი კვლევის შედეგად დადგინდა, რომ ბახმაროს კლიმატზე გავლენას ბახვი ჰესი ვერ მოახდენს, რამდენიმე მიზეზის გამო: 1) მნიშვნელოვანი დისტანცია და სიმაღლეთა სხვაობა კურორტსა და ჰესის შენობას შორის; 2) ბახმაროს კლიმატის ფორმირებას განაპირობებს ერთის მხრივ შავი ზღვა,  მეორეს მხრივ კი რელიეფი და მთათა სისტემა”.

ბახვი ჰესის პროექტის შესწავლა და ახლა უკვე, მშნებელობა მიმდინარეობს როგორც ადგილობრივი კანონმდებლობის, ასევე საერთაშორისო სტანდარტების მკაცრი დაცვით.

საერთაშორისო ექსპერტები ჩართულნი იყვნენ როგორც პირველ ფაზაზე, როცა მიმდინარეობდა ბიოლოგიური გარემოს კვლევები, ასევე პროექტის დიზაინის და შემდეგ უკვე, მისი მშენებლობის ეტაპზეც.

საერთაშორისო ექსპერტების მიერ ჩატარებული გარემოს მრავალფეროვნების, კლიმატის, კუმულაციური ზემოქმედების  თუ ხარჯ-სარგებლიანობის კვლევების გათვალისწინებით, რომლებიც ჩაატარეს მსოფლიოში აღიარებულმა ფრანგმა და ბრიტანელმა ექსპერტებმა, მოხდა მშენებლობის პროექტირება და შემდეგ უკვე კონკრეტული სამუშაოების შესრულება. მშენებლობის ეტაპზეც, უცხოელი ექსპერტები წელიწადში რამდენჯერმე,  მონიტორინგის ჩატარების მიზნით სტუმრობენ ბახვი ჰესს და ამოწმებენ გარემოსდაცვითი სამოქმედო გეგმის შესრულებას.

მოცემული გეგმის აღსრულება  ემსახურება საპროექტო არეალში და მის მიმდებარედ არსებულ სოფლებში პროექტით გამოწვეული შესაძლო ზემოქმედების თავიდან აცილებას და საჭიროების შემთხვევაში შესაბამისი შემარბილებელი ღონისძეიბების გატარებას.