ჩოხატაურის მუნიციპალიტეტის ზედამხვედელობის სამსახურის უფროსი ირაკლი ახობაძე „გურია ნიუსთან“ სატელეფონო საუბარში ამბობს, რომ კოალიცია „ცვლილებებისთვის“ წარმომადგენლებს საკუთარ ოფისზე ბანერის გაკვრის უფლება არ ჰქონდათ.
როგორც კოალიციის წარმომადგენელი ბაჩო ახალაძე ამბობს, მასთან ჩოხატაურის მუნიციპალიტეტის მერიიდან მივიდნენ და ბანერის ჩამოხსნა მოსთხოვეს, მეორე დღეს კი ბანერი ჩამოხსნილი დახვდათ.
„ჩვენ მოვთხოვეთ, ჰქონდათ თუ არა იმის ნებართვა, რომ შენობაზე ბანერი გაეკრათ. ამ ბანერის გაკვრით დაზიანდა შენობის კედელი. მე მათ ვუთხარი, რომ დაზიანების გარეშე მოხდეს ბანერის გაკვრა. ის, რომ ბანერი გააკრეს ჩვენი ნებართვის გარეშე, ამას გიდასტურებთ და არ ვადასტურებ, რომ ბანერი ჩოხატაურის მუნიციპალიტეტმა ჩამოხსნა. ამას გაარკვევს შესაბამისი უწყებები.
“განახლებული რეგიონების“ პროგრამის ფარგლებში მიმდინარეობს დაბა ჩოხატაურში მდებარე შენობების ფასადების გალამაზება და აქედან გამომდინარე, უნდა მოხდეს ამ სილამაზის შენარჩუნება და არა დამახინჯება.
რაც შეეხება იმ კერძო საკუთრებას, სადაც არის ამ დროისთვის ერთ-ერთი პოლიტიკური პარტიაა განთავსებული, ეს შენობა შეიღება ხალხის ფულით და გაკეთებულია ხალხის ფულით. ამიტომ, ვითხოვთ, რომ ხალხის ფულით გაკეთებული საქმე არ დავაზიანოთ და მეტი არაფერი გვითქვამს. გუშინ მთხოვეს და ვუთხარი, არ მომხდარიყო ბანერის გაკვრა. თქვენ რომ შეხედოთ, „ქართული ოცნების“ ბანერი როგორ არის გაკრული, ნახავთ, კედელი არ არის დაზიანებული. არავინ არ ეუბნება უარს ბანერის გაკვრაზე ამ ხალხს _ აქ საუბარია იმაზე, რომ აშენებული და გალამაზებული შენობების დამახინჯება არ მოხდეს“, _ გვითხრა ირაკლი ახობაძემ.
ავტორი
