ნიკო უილიამსის ტრანსფერის ჩაშლის შემთხვევაში, „ბარსელონა“ მარცხენა გარემარბის დასამატებლად გეგმა B-ს ამზადებს, ერთ-ერთ სავარაუდო კანდიდატად კატალონიელები ხვიჩა კვარაცხელიას განიხილავენ – ამის შესახებ fcbarcelona noticias წერს.
გამოცემა, სტატიაში აღნიშნავს, რომ ქართველი თავდამსხმელი, რომელსაც ნეაპოლიტანურ კლუბთან კონტრაქტი 2027 წლამდე აკავშირებს, ამ ზაფხულს გუნდიდან წასვლითაა დაინტერესებული.
„ცხადი გახდა, რომ „ბარსელონაში“ ნიკო უილიამსის ტრანსფერი შეიძლება უფრო გართულდეს, ვიდრე მოსალოდნელი იყო – თუ მოლაპარაკებები ჩაიშლება კლუბი ალტერნატიულ ვარიანტებზეც ფიქრობს. ერთ-ერთი ასეთი ალტერნატივა, რომელიც მარცხენა ფლანგს გააძლიერებს და, შესაძლოა, კლუბის შესანიშნავი შენაძენი გახდეს, „ნაპოლის“ მარცხენა გარემარბი, ხვიჩა კვარაცხელიაა.
ცოტა ხნის წინ გავრცელდა ინფორმაცია, რომ ქართველი თავდამსხმელი, რომელსაც ნეაპოლიტანურ კლუბთან კონტრაქტი 2027 წლამდე აკავშირებს, ამ ზაფხულს გუნდიდან წასვლითაა დაინტერესებული, რადგან „ნაპოლი“ ევროტურნირებზე არ თამაშობს. კვარადონასა და მისი გარემოცვისთვის ეს ვითარება ხელსაყრელი ვერ იქნება, ამიტომ გამოსავალს ევროპულ გრანდში გადასვლაში ეძებენ.“ – წერს გამოცემა.
სტატიის ავტორი, ასევე აღნიანავშს, რომ ნაპოლის პრეზიდენტი აცნობიერებს თავისი ვარსკვლავის ღირებულებას და შეეცდება მნიშვნელოვანი მოგება მიიღოს.
გამოცემის ცნობით, იტალიელები მასში 100 მილიონის მიღებას ვარაუდობენ
,,მაგრამ „ნაპოლის“ პრეზიდენტი, აურელიო დე ლაურენტისი აცნობიერებს თავისი ვარსკვლავის ღირებულებას და შეეცდება, მისი გაყიდვით მნიშვნელოვანი მოგების მიიღოს. „ბარსას“ კი მოუწევს იტალიურ კლუბს სოლიდური შეთავაზებით მიმართოს. Transfermarkt-ის მიხედვით ქართველი მოთამაშის ამჟამინდელი საბაზრო ღირებულება 80 მილიონი ევროა. იტალიელები კი მასში 100 მილიონის მიღებას იმედოვნებენ, რისი გადახდაც „ბარსელონასთვის“ ამ ეტაპზე რთულია.
რაც შეეხება ფეხბურთელის ანაზღაურების საკითხს, კვარაცხელია „ნაპოლიში“ სეზონში 1,2 მილიონ ევროს იღებს, რაც მისი კალიბრის მოთამაშისთვის დაბალი ანაზღაურებაა და რომლის გაუმჯობესებაც „ბარსელონას“ არ გაუჭირდება“ – წერს fcbarcelona noticias.
