BBC- ის ინფორმაციით, საგრადა -ფამილია მსოფლიოში ყველაზე მაღალი ტაძარი გახდა მას შემდეგ, რაც მუშებმა ჯვრის პირველი ნაწილი მისი ცენტრალური კოშკის თავზე დაამონტაჟეს.
ესპანურმა ბაზილიკამ, რომლის სიმაღლე ამჟამად 162.91 მეტრია, ოფიციალურად გააუმჯობესა რეკორდი გერმანიაში მდებარე ულმის მინსტერის ტაძარს, რომელსაც ის 1890 წლიდან ინარჩუნებს.
საგრადა- ფამილიას პირველი ქვა 1882 წელს დაიდო, მომდევნო წელს კი პროექტი ახალბედა არქიტექტორმა გაუდიმ გადაიბარა.
მან ბაზილიკის თავდაპირველი დიზაინი გაცილებით ამბიციურ წინადადებად გარდაქმნა, რომელიც თავდაპირველად მლოცველების შემოწირულობებით დაფინანსდა.
1926 წელს მისი მოულოდნელი გარდაცვალების დროს დაგეგმილი 18 კოშკიდან მხოლოდ ერთი იყო აშენებული.
შემდგომ წლებში არქიტექტურული საოცრების მშენებლობას საგრადა -ფამილიას ფონდი მართავდა და ტურისტების, ვიზიტორებისა და კერძო დონორების შემოწირულობებით აფინანსებდა.
მთავარი არქიტექტორის გარდაცვალების გარდა, ბაზილიკა თითქმის 150-წლიანი მშენებლობის განმავლობაში არაერთ დაბრკოლებას წააწყდა.
ესპანეთის სამოქალაქო ომის დროს, კატალონიელმა ანარქისტებმა ცეცხლი წაუკიდეს კრიპტას, გაანადგურეს გაუდის მიერ შექმნილი გეგმები და თაბაშირის მოდელები, რომლებიც მომავალ მშენებლობას წარმართავდა.
ბოლო დროს, Covid-19 პანდემიის გამო შენობის მშენებლობა შეჩერდა, ფონდის წევრებმა ეს შეჩერება ტურიზმის ნაკლებობას და პროექტის დაფინანსების შემდგომ შემცირებას მიაწერეს.
წელს, სექტემბერში, Sagrada Família-ს გენერალურმა დირექტორმა, ხავიერ მარტინესმა, Associated Press-ს განუცხადა, რომ იესო ქრისტეს კოშკი 2026 წელს დასრულდება და გაუდის გარდაცვალებიდან ასი წლისთავს დაემთხვევა.
ფონდი არქიტექტორის ხსოვნისადმი მიძღვნილ ღონისძიებების სერიას გამართავს, რომელიც ეკლესიის კრიპტაშია დაკრძალული.
დეკორატიულ დეტალებზე, ქანდაკებებსა და შენობის მთავარ შესასვლელამდე მიმავალ კიბეზე მუშაობა, სავარაუდოდ, მომდევნო ათწლეულის განმავლობაში გაგრძელდება.
