ცნობილმა მოდელმა ბელა ჰადიდმა ალკოჰოლის მიღება შეწყვიტა.
მანამდე პოდიუმის ვარსკვლავი ამ მხრივ ხშირად ყოფილა მედიის ყურადღების ცენტრში. მაგალითად, 2014 წელს, როცა ბელა ჰადიდი 17 წლის იყო, ის ავტომობილს ალკოჰოლის ზემოქმედების ქვეშ მართავდა.
„ალკოჰოლი ძალიან მიყვარდა, თუმცა ასეთ მხიარულ საღამოებზე უარი მას შემდეგ ვთქვი, როცა ვიგრძენი, რომ თავს ვეღარ ვაკონტროლებდი“, – ამბობს ჰადიდი.
მთავარი ფაქტორი, რამაც მოდელს სასმელზე უარის თქმაში ხელი შეუწყო, ტვინის სკანირების შედეგები იყო, როცა ექიმმა აჩვენა, თუ როგორ ზემოქმედებდა ალკოჰოლი მის ტვინზე. ამის ნახვის შემდეგ კი მოდელი ხელში „ჭიქას ვერ იღებდა“, რადგან ალკოჰოლის გავლენა უკვე ნათლად ჰქონდა წარმოდგენილი.
ბელა ჰადიდი ამჟამად უალკოჰოლო სასმელების ბრენდის, სახელად „Kin Euphorics“, თანადამფუძნებელი და პარტნიორია.
[sexy_author_bio]
