პროტესტის ნიშნად, ბელარუსის ტელეწამყვანები სახელმწიფო ტელევიზიებს ტოვებენ. ამის შესახებ ინფორმაციას BBC წერს.
გამოცემის ინფორმაციით, სახელმწიფო ტელეარხები ,,ბელარუს 1“ და ,,ონტ“ -ი ხუთმა ტელეწამყვანმა დატოვა.
,,რა დაემართა ჩემს ბელარუსს? 2009 წლიდან ვმუშაობ ტელევიზიაში. გადავწყვიტე, რომ ჩემი დღევანდღელი ეთერი ტელეარხ ,,ბელარუს 1“ -ზე ბოლო იქნება“ – წერს ევგენი პერლინა
,,ონტ“ – ის ტელეწამყვანი, ოლგა ბოგატირევიჩი კი წერს: ,, ცოტნი ვართ, მაგრამ ვართ“
ტელეარხ ,,ბელარუს 1“ – ის გადაცემა ,,არსენალის“ წაყვანის ვლადიმერ ბურკოს წერს, რომ ყველაზე საშნელ სიზმარშიც კი ვერ იფიქრებდა, რომ სამხედროები და ტექნიკა შესაძლოა, საკუთარი ხალხის წინააღმდგ ყოფილიყო გამოყენებული.
ტელეწამყვანმა სამხედროებს მოუწოდა, რომ გონს მოეგონ, სანამ გვიან არ არის და მიიღონ სწორი გადაწყვეტილება.
ბელარუსში სამართალდაცველებმა საპრეზიდენტო არჩევნების წინასწარი შედეგების გამოცხადების შემდეგ ქუჩაში გასულ აქციის მონაწილეების წინააღმდეგ წყლის ჭავლი და ხმოვანი ყუმბარები გამოიყენეს, საპროტესტო აქციების მსვლელობისას სამართლდამცველებმა 3 000 მეტი ადამიანი დააკავეს.
ბელარუსში საპრეზიდენტო არჩევნები 9 აგვისტოს გაიმართა. ბელარუსის ცენტრალური საარცევნო კომისიის მონაცემებით, ქვეყნის საპრეზიდენტო არჩევნებში ალექსანდრე ლუკაშენკოს ამომრჩეველთა 80.23%-მა დაუჭირა მხარი, ხოლო მის მთავარ მეტოქეს, სვეტლანა ტიხანოვსკაიას 9.9%-მა
