,,ბენდელას თასის” გათამაშება ,,სამტრედიამ” თბილისის ,,სელეროს” დამარცხებით დაიწყო

დღეს თბილისში, საბურთალოზე, კერძოდ ბენდელას სტადიონზე ტრადიციული ტურნირი ,,ბენდელას თასის ” გათამაშება დაიწყო U 11 ასაკის ფეხბურთელთა შორის.

სამტრედიიდან ოთო ზაქარეიშვილის და ლერი მეგენეიშვილის გუნდი იყო წარმოდგენილი და შეხვედრაც იღბლიანი გამოდგა მათთვის.

სამტრედიელმა ფეხბურთელებმა პირველი თამაში თბილისის ,,სელეროს” მოუგეს ანგარიშით 2:1.

,,პირველი ტაიმი დამთავრდა ფრედ, 0:0. მეორე ტაიმში ჩვენმა ფეხბურთელებმა ორი გოლი გაიტანეს. შეხვედრას მშრალი ანგარიშით ვიგებდით, მატჩის მიწურულს მოწინააღმდეგეებს ერთი გოლი რომ არ გაეტანათ. ჩვენგან გოლები გაიტანეს ნიკოლოზ ჩომახიძემ და საბა თოფურიძემ. მიუხედავად გამარჯვებისა, ამ მატჩში გვქონდა საკადრო პრობლემები, 4 ფეხბურთელი გვაკლდა,”_  ,,გურია ნიუსთან” კომენტარში განაცხადა ,,სამტრედიის” მთავარმა მწვრთნელმა, ოთიკო ზაქარეიშვილმა.