გიორგი ბაჩიაშვილი, თანაინვესტირების ფონდის ყოფილი ხელმძღვანელი, “ანალიტიკას” ეთერში ბიძინა ივანიშვილზე საუბრისას ხაზს უსვამს იმას, რომ ივანიშვილი საქართველოში არასდროს ყოფილა რეალური ბიზნესმენი.
“ბიძინა ივანიშვილი აკეთებდა კორუფციას საქართველოში, როდესაც მის მიერ იაფად ნაყიდ მიწებზე ზრდიდა კოეფიციენტებს და ამას შემდეგ ყიდდა; როდესაც მფარველობდა სხვადასხვა ქოლცენტრებს, ამდენ გაურკვეველ ტრანზიტებს და ასე შემდეგ. ეს არის მისი ბიზნესი. მას რეალური ბიზნესი საქართველოში არ აქვს.
თანაინვესტირების ფონდში ჩვენ გავაკეთეთ პროექტები, თუმცა ის არ აკეთებდა ამ ბიზნესს, მე ვაკეთებდი.
ბიძინა ივანიშვილს საქართველოში ბიზნესი არ გაუკეთებია, ის ახორციელებდა რეკეტს, კორუფციას,”– განაცხადა ბაჩიაშვილმა ინტერვიუში.
გიორგი ბაჩიაშვილის შეფასებით, ბიძინა ივანიშვილს არ სჭირდებოდა ბიზნესი, რადგან ფულის შოვნის ბევრად უფრო მარტივი და ნაკლებად გამჭვირვალე საშუალებები ჰქონდა.
ვრცლად: bm.ge
