ექსპერტი გია ხუხაშვილი პოლიტიკაში ყოფილი პრემიერის ბიძინა ივანიშვილის დაბრუნებას მიესალმება. როგორც ხუხაშვილი ,,გურია ნიუსთან“ საუბრისას აცხადებს, მმართველ გუნდში კრიზისის დაძლევის რესურსი მხოლოდ ბიძინა ივანიშვილს გააჩნია, ამიტომ, მისი თქმით, მისი მხრიდან პოლიტიკაში დაბრუნება ძალიან კარგი გადაწყვეტილებაა.
,,კარგი გადაწყვეტილებაა, დიდი ხანია ვსაუბრობდი, რომ ივანიშვილის პოლიტიკაში რეინტეგრაცია აუცილებელი იყო. ჩვენ შევდიოდით ძალიან ღრმა მმართველობის კრიზისში, რომლის დალაგების რესურსი მხოლოდ ივანიშვილს გააჩნია, ამიტომ კარგია, რომ მან ეს ნაბიჯი გადადგა და პოლიტიკაში დაბრუნების გადაწყვეტილება მიიღო. ბოლო პერიოდის მოვლენების გათვალისწინებით, შესაძლოა, სახელმწიფო სტაბილურობას შექმნოდა საფრთხე, რადგან ,,ქართული ოცენბა“ არის ის პარტიაა, რომელიც ქვეყნის პროცესების ძირითადი წამმართველია, ამიტომ აუცილებელი იყო ივანიშვილის დაბრუნება“, _ განაცხადა ხუხაშვილმა.
