“ბიულეტინების „ჩაყრის“ ქართული მოდელი მსოფლიოს გავლენიანი გამოცემების მსჯელობის საგანი ხდება.
„ოცნების“ ხელისუფლებას ვადამდელი არჩევნების აუცილებლობაზე, ევროპარლამენტში, როგორც მოსალოდნელი იყო, უკვე უთხრეს, _ აღნიშნული განცხადებები პოლიტიკური მოძრაობა “ტრიბუნას” წევრმა კოტე კემულარიამ გააკეთა.
“ახლა უკვე, ძალიან საინტერესო პასაჟია კარა-მურზას გუშინდელ სტატიაში, “ვაშინგტონ პოსტში”, რომელიც ეხება გაყალბებებს და ბიულეტენების “ჩაყრებს” რუსულ საპარლამენტო არჩევნებში.
ლაპარაკია იმაზე, რომ რუსეთშიც კი, 2021 წლის არჩევნებზე, ხელისუფლების გამარჯვებულად გამოცხადებისთვის მხოლოდ ადმინისტრაციული რესურსი, დაშინება და მოსყიდვა არ იქნება საკმარისი.
ძალიან გამოცდილი ავტორი საუბრობს “ჩაყრების” გარდაუვალ აუცილებლობაზე და სერბიასთან ერთად მოჰყავს ბიულეტენების “ჩაყრის” მსხვილმასშტაბიანი მაგალითი საქართველოში. თუმცა იქვე აფრთხილებს რუსეთის ხელისუფლებას, რომ ამას საქართველოში მოჰყვა უპრეცედენტო პროტესტი. სერბიაში კი, დაინიშნა ვადამდელი საპარლამენტო არჩევნები.
მოკლედ, იმედია, „ოცნებაში“ იციან “ვაშინგტონ პოსტის” გავრცელების და გავლენების არეალზე.
სწორედ ამიტომ არის აუცილებელი ამ ”საყოველთაოდ ცნობილი ჩაყრების” განეიტრალება ახალი არჩევნების გზით.
ეს იქნებოდა თანხმობა ,რაზედაც მეგობარი ელჩები ზრუნავენ თავგამოდებით.“ _ აცხადებს კოტე კემულარია.
