ბრიტანეთის მთავრობამ დაამტკიცა ჩელსის საფეხბურთო კლუბის გაყიდვა და განაცხადა, რომ რუსი მფლობელი, რომან აბრამოვიჩი 5 მილიარდიანი(დოლარი) გარეგიბიდან სარგებელს ვერ მიიღებს. ამის შესახებ CNN წერს.
„გუშინ ღამით მთავრობამ გასცა ლიცენზია, რომელიც ნებადართულია ჩელსის FC-ის გაყიდვაზე. იმ სანქციების გათვალისწინებით, რომლებიც ჩვენ დავუწესეთ პუტინთან დაკავშირებულ პირებს და უკრაინაში სისხლიანი შეჭრას, კლუბის გრძელვადიანი მომავალი მხოლოდ ახალი მფლობელის პირობებში იქნება უზრუნველყოფილი.
დარწმუნებულები ვართ, რომ გაყიდვიდან შემოსული თანხა არ წაადგება რომან აბრამოვიჩს ან სანქცირებული სხვა პირებს“, – თქვა ბრიტანეთის სახელმწიფო მდივანმა კულტურის, მედიისა და სპორტის საკითხებში.
სამშაბათს, 24 მაისს, ინგლისის პრემიერ ლიგამ განაცხადა, რომ მისმა საბჭომ დაამტკიცა კლუბის გაყიდვა ჯგუფზე, რომელსაც ხელმძღვანელობს ამერიკელი ბიზნესმენი ტოდ ბოელი.
დიდი ბრიტანეთის მთავრობის სპიკერმა განაცხადა, რომ ისინი „უზრუნველყოფენ გაყიდვიდან მიღებული თანხის გამოყენებას უკრაინაში ჰუმანიტარული მიზნებისთვის, ომის მსხვერპლთა მხარდასაჭერად“.
„დღევანდელი ნაბიჯები დაიცავს ამ მნიშვნელოვანი კულტურული აქტივის მომავალს და დაიცავს გულშემატკივრებს და უფრო ფართო საფეხბურთო საზოგადოებას.
ჩვენ ვისაუბრეთ შესაბამის საერთაშორისო პარტნიორებთან საჭირო ლიცენზიების მისაღებად და მადლობას ვუხდით მათ თანამშრომლობისთვის,” – თქვა სპიკერმა.
ცნობისთვის, “ჩელსის” გაყიდვამ აბრამოვიჩის მფლობელობის თითქმის ორი ათწლეული დაასრულა. რუს ოლიგარქს ჰქონდა კავშირები კრემლთან და რუსეთის პრეზიდენტ ვლადიმერ პუტინთან და მას სანქციები დაუწესა დიდმა ბრიტანეთმა მას შემდეგ, რაც რუსეთმა 24 თებერვალს უკრაინაში შეჭრა დაიწყო.
ავტორი
