ლანჩხუთის მუნიციპალიტეტის სოფელ ჭანჭათში მიმდინარე აქციას, სადაც ადგილობრივი მოსახლეობა ჩინური კომპანიისგან, რომელსაც სოფლიდან ინერტული მასალა გააქვს, გზის დაუყონებლივ გაკეთებას ითხოვს, მუნიციპალიტეტის გამგებელი და კომპანიის წარმომადგენლები შეუერთდნენ.
მათი თქმით, მოსახლეობის მოთხოვნა და მათი დაპირება, რომ გზები მოიხრეშება, შესრულდება
_ დღესვე დაიწყებენ ხრეშის დაყრას და გასწორებას. მე ვიცოდი, რომ ორი დღის წინ დაიწყეს აქ მუშაობა. პირადად გავაკონტროლებ ყველაფერს, _ უთხრა ზაზა ურუშაძემ ჭანჭათელებს, რომლებმაც გამგებელი უყურადღებობაში დაადანაშაულეს.
მოსახლეობის თქმით, თუ დღევანდელი პირობა დაირღვევა და ეს კომპანია ხრეშის დაყრას დღესვე არ დაიწყებს, პროტესტის უფრო მასშტაბურ ფორმას მიმართავენ.
აქციაზე მიღებული გადაწყვეტილების თანახმად, სოფელი ორ კაცს გამოყოფს, რომლებიც გააკონტროლებენ, სად და როგორ დაყრის ჩინური კომპანია ხრეშს.
