,,რუსი დამპყრობლების ინტენსიური დაბომბვის შედეგად ჩერნობილის ატომურ ელექტროსადგურთან მდებარე დახურულ ზონაში მასიური ხანძარი გაჩნდა“ – ამის შესახებ unian უკრაინის უმაღლესი რადას კომისარის ადამიანის უფლებათა დაცვის საკითხებში ლუდმილა დენისოვაზე დაყრდნობით წერს.
როგორც გამოცემა იუწყება, ამჟამად ცნობილია 31 ხანძარის კერა, რომელმაც 10 ათას ჰექტარზე მეტი ტყე მოიცვა.
დენისოვამ განმარტა, რომ ხანძარი იწვევს ჰაერის რადიოაქტიური დაბინძურების დონის მატებას.
მისივე თქმით, იმის გამო, რომ რუსმა დამპყრობლებმა დახურული ზონა დაიკავეს, მაშველები ჯერ ვერ იღებენ ეფექტურ ზომებს ხანძრის ლოკალიზაციისთვის
„წვის გამო ატმოსფეროში გამოიყოფა რადიონუკლიდები, რომლებიც ქარს გადააქვს დიდ დისტანციებზე. ეს რადიაცია ემუქრება უკრაინას, ბელარუსიას და ევროპის ქვეყნებს. ქარიანი და მშრალი ამინდის გამო გაიზრდება ხანძრის ინტენსივობა და ფართობი, რამაც შეიძლება გამოიწვიოს სუპერმასშტაბიანი ხანძარი, რომელიც რთულია მშვიდობის დროსაც კი ლოკალიზება“, – თქვა ლუდმილა დენისოვამ.
როგორც unian წერს, ოფიციალურმა წარმომადგენელებმა მიმართა ატომური ენერგიის საერთაშორისო სააგენტოს (IAEA) თხოვნით, რომ გაგზავნოს ექსპერტები და აღჭურვილობა უკრაინაში ხანძრის, რაც შეიძლება მალე ჩაქრობის მიზნით.
შეგახსენებთ, რომ რუსეთის ქმედებების გამო ჩერნობილისა და ზაპორიჟჟიას ატომურ ელექტროსადგურებზე, IAEA-მ შექმნა უკრაინის ატომურ ელექტროსადგურებში სიტუაციის მონიტორინგის სადღეღამისო კრიზისული ცენტრი და გენერალურმა პროკურატურამ დაიწყო მთელი რიგი სამართალწარმოება „ეკოციდის“ ფარგლებში.
