ჩილეში, პოლიციელები, ძაღლებს კორონავირუსით ინფიცირებულები ადამიანების ყნოსვის მეშვეობით ამოცნობას ასწავლიან. ამის შესახებ ინფორმაციას France 24 ავრცელებს.
როგორც გამოცემა წერს, პროგრამაში 4 ძაღლი მონაწილეობს, აქედან 3 ოქროსფერი რეტრივერი და 1 ლაბრადორი მონაწილეობს, რომელთა ასაკი 4-5 წელს შორის მერყეობს.
გამოცემის ინფორმაციით, სასწავლო პროგრამას, ჩილეს ეროვნული პოლიციის და ჩილეს კათოლიკური უნივერსიტეტის სპეციალისტები ახორციელებენ.
ჩილეს პოლიციის სკოლის ხელმძღვანელის ჯულიო სანტელიცეს განცხადებით, ძაღლებს 330 მილიონი სუნიანი რეცეპტორები და 50-ჯერ უკეთესი სუნის მქონე ადამიანის ამოცნობის უნარი აქვთ. მათ, ასევე შეუძლიათ საათში 250 ადამიანის სუნის აღება.
მისივე თქმით, ძაღლები სამართალდამცველებთან ერთად მუშაობდნენ და ნარკოტიკების, ასაფეთქებელი ნივთიერებების და დაკარგული ადამიანების პოვნაზე არიან გაწვრთნილები.
როგორც, France 24 წერს, ჩილეს კათოლიკური უნივერსიტეტის, ვეტერინალური ეპიდემიოლოგის, პროფესორ, ფერნანდო მარდონეს განცხადებით, ვირუსი გარკვეული სახის ოფლს გამოყოფს და სწორედ ამ ოფლის ამოცნობას სწავლობენ ძაღლები.
”ვირუსს სუნი არ აქვს, თუმცა ის ინფიცირებული ადამიანის ორგანიზმში მეტაბოლიკურ ცვლილებებს იწვევს, რაც გარკვეული ტიპის ოფლის გამოყოფას იწვევს. სწორედ ამ ოფლის ამოცნობას ვასწავლით“, – განაცხადა ფერნანდო მარდონესმა.
აღნიშნული პროგრამა, მსოფლიოში რამოდენიმე ქვეყანაში, მათ შორის ფინეთში და საფრანგეთში უკვე ფუნქციონირებს. სპეციალისტები აღიშნავენ, რომ ძაღლებს ინფიცირებული ადამიანების ამოცნობა 95%-იანი ეფექტიანობით შეუძლიათ.
